КУН УЗ Узбекистон янгиликлари KUN.UZ
Тошкент вилоят, Пскент туман МИБ ходимлари фермер хужалиги хисобида турмаган автомобиллар ва уй жихозларини хам мусодара килмокда.
Бу хакда Озодликка шикоят килган фермерларнинг айтишларича, гарчи уларда банкдан олган кредитини ёпиш имкони булса хам, МИБ ходимлари мусодара жараёнини бошлаб юборган.
Туман МИБ мулозимлари Озодлик билан гаплашишдан бош тортди.
“Мендан бировнинг машинасини тортиб олишди”
Пскент туманидаги “Иноятов Бекзод Иноятович” фермер хужалиги рахбари Бекзод Ширановнинг айтишича, МИБ ходимлари бировнинг номида булган, вактинча миниб юришга олган автомобилни олиб куйган:
– Мен Сирдарё вилоятидаги танишимнинг “Равон” машинасида хокимият олдида эдим. ИИБ ходимлари “бошликнинг гапи бор”, деб ушлаб олиб келишди. ИИБга келиб, ичкари кирдик. У ердан чиксак, машинанинг турт томонига бошка машиналар куйиб ташлашибди. Кайтиб кириб, “куйворинглар, бу бировни машинаси, шарманда килманглар” десам, ИИБ бошлиги “уша танишинг хам билсин карзлигингни, шармандалигингни”, деди. Мен “хали менга сугуртадан пул тушади, пахта заводда пулим бор, тулайман”, десам, “йук, хозир топиб тулайсан, вилоят хокими, прокурори 28 ноябрга туман буйича хамма карзларни тулатмасанг, ойлигингдан оламиз, деб айтган”, деди. Мен бошликка “булмаса у сизнинг проблемангиз экан, аризани ёзингда ишдан кетинг, деб чикиб кетдим, дейди фермер.
Бировнинг машинаси номерини ечиб олишга кимнинг хаки бор?
Бекзод Ширановнинг айтишича, у таниш-билишларидан 10 миллион сум карз олиб келиб караса, машинаси жарима майдонига олиб кетилган:
– Штрафной плошадкаларни суриштириб борсам, биттасида турибди экан. Олиб чикаман десам, у ердаги одам “МИБ далолатнома тузиб, ташлаб кетди, агар улардан хат булмаса, чикармаймиз”, деди. Мен унга, “барака топгур, бу Сирдарё вилояти машинаси, меники эмас, мана хужжати, мана эгаси” десам хам чикармади. Бунинг устига машинани олдидаги номерни хам эвакуатор ечиб олиб кетибди. Унга телефон килсам, “машинангиз ручникда тургани учун 150 минг сум, холостойда булмагани учун 150 минг сум, олиб келганим учун 150 минг сум берасиз”, дейди. “Номерни ечиб олишга нима хаккинг бор”, десам, у ёгини ГАИдан суриштир”, дейди”, деди фермер.
Бекзод Ширанов 51 гектар ерга бугдой ва пахта эккан. Бугдой режасини ортиги билан бажарган. Туман хокимининг илтимоси билан режадан ортик яна 15 тонна бугдой топширган.
Бу йил пахта режасини 88 фоиз бажарган. Ёгингарчилик туфайли пахта 5-сортга олинаётгани, фойдасидан зарари куп булгани учун теримни тухтатган.
“Конунлар тескари ишлаяпти”
Фермернинг айтишича, у Агробанкнинг Пскент туман филиалидан 156 миллион сум кредит олган. Лекин шу пайтгача, даврли кредитларни муддатидан олдин ёпиб келган:
– Кредитни ёпиш учун 18 миллион сум колган. Лекин, хали пахта заводида пул булмагани учун охирги топширган пахтам пули тушмаган. Бундан ташкари 40 миллион сум сугуртадан тушади. Мен уйнаб-уйнаб ёпаман, узимга хам колади. Аммо, булар хеч нарсани тушунишни истамайди, юкоридан айтилган деб, кузига куринган нарсага ёпишади. Хамма жойда конун бузиляпти, Биринчидан, кредитни ёпиш муддатига хали олти ой бор, иккинчидан, МИБ ходимлари ижро варакаси хам курсатмасдан фермерларнинг хисобида турмаган мол-мулкни мусодара киляпти, учинчидан, иктисодий суд МИБга ноконуний жарима ва карорлар чикариб беряпти. Судьяга бу ишини айтсам, “юкоридан шунака буйрук булган”, дейди. Биз канака давлатда яшаяпмиз?- дейди фермер Бекзод Ширанов.
Фермернинг айтишича, у тендердан яна 33 гектар ер ютиб олган, лекин туман хокими шу пайтгача карор чикариб бермаяпти:
– 12 октябрда ютиб олганман. Карорини уч кунда олишим керак эди. Мана икки ой утяпти, каршилик килиб, бермаяпти. Мен у ерга кузги бугдой экишим керак эди. Мана хали бир сутих хам эколмадим, ерни хайдата олганим йук, -дейди Бекзод Ширанов.
Озодликка Пскент туманидан яна бошка фермерлар хам мурожаат килиб, МИБ ходимлари хали иктисодий суднинг ажрими улар кулига етиб келмасдан туриб, МИБ ходимлари уларнинг фермер хужалиги балансида булган-булмаган мол-мулкини мусодара килишга киришганини айтди.
“Ойлигим яхши, лекин виждоним кийналяпти”
Озодлик богланган Пскент тумани МИБ ходимларидан бири исм-шарифини сир саклаган холда, барча хакикатни гапириб беришини айтди.
МИБ ходими фермерларга нисбатан адолатсиз харакат булаётганини тан олди:
“Сизга гапираётганим тугрими ёки йук, билмадиму, лекин биз хам кийналиб кетдик, фермеру тадбиркорлар хам. Айтмасам булмайди. Бу йил Пскент тумани кластер тизимига утяпти, шунинг учун фермерлар барча карзларини ёпиши керак. Ахвол жуда огир, фермерлардан бири узини ёкиб юбормокчи хам булди, уни асраб колдик. Каранг энди, иктисодий суднинг карорига асосан ижрони шахсий мулкка эмас, балки фермер хужалиги балансидаги мол-мулкка каратиш керак. Лекин бизда тескариси буляпти, фермернинг хотинига ёки ака-укасига тегишли булган машиналарни хам олиб бориб тикиб куяяпмиз. Бу, албатта, нотугри. Лекин шу ишни килишга мажбурланяпмиз”, дейди МИБ ходими.
Унинг айтишича, фермерлардан тортиб олинган техникалар кластер фирмага тендерсиз, жуда арзон нархда сотиб юбориляпти:
“Туманда 180 ортик фермернинг 30 миллиард сум карзи бор эди. Деярли ундириб булдик, хозир 80 миллион сум колган, холос. Масалан, 150 миллион сум турадиган тракторни 40-50 миллион сумдан “Тукимачи” деган кластер фирма сотиб оляпти. Кейин фермер номига банкдан пластик карточка очтириб, ушанга ташлаб беряпти, фермернинг банкдаги хисобига ташламаяпти, чунки, фермернинг соликдан карзи бор, солик олиб куяди. МИБ ходимлари карточкани фермердан кулини кайириб булса хам олиб куядида, пластигидан олиб тулаттириб юборяпти. Хозир фермерларнинг 100дан ортик техникаси ана шундай арзон-гаровга аукционсиз сотилиб кетди. Конун буйича бу техникалар аукционда сотилиши керак, лекин бундай булмади”, дейди ходим.
“Ойболта”нинг давоми буляпти”
МИБ ходимининг фикрича, фермерларга нисбатан кулланилаётган бу харакат хукуматнинг бундан уч-турт йил аввалги “Ойболта” сиёсатини эслатади:
“Фермернинг карзи булса уни конун йули билан кандай ундириш керак. Агробанк октябрь ойиданок, хали пахта терими тугамай, фермерлар пулларини заводдан тулик олмай туриб уларни иктисодий судга торта бошлади. Аслида бу хам нотугри. Чунки фермернинг Агробанк билан шартнома муддати 14 ой. Бу муддатнинг хали ярми турибди. Иктисодий суд бунга куз юмди, чунки уларга юкоридан шундай буйрук булган экан. Суд адолат билан эмас, буйрук билан иш юритадиган булса, унинг нима кераги бор?”, дейди ходим.
“Суд конун юзасидан эмас, буйрук билан иш куряпти”
МИБ ходими иктисодий суднинг ноконуний чикарган ажрим ва карорлари муддатига хам амал килинмаётганини айтади:
“Конун буйича суд аввал юридик шахснинг уйидаги мол-мулкига эмас, балки унинг фермер хужалиги балансида турган мол-мулкка ажрим чикаради. Бу ажримнинг амал килиш муддати бир ой. Бунда фермернинг балансида турган техникаси, еридаги хосилига банд солинади. Банд дегани, фермер бу техника ва махсулотларини сотиш мустакил сотиш хукукидан махрум булади, яъни хатланади. Ажримдан кейин бир ойдан сунг, суд ижро варакаси беради. Бу вараканинг ундирув муддати икки ой. Ун беш кун ихтиёрий тулаш учун муддат берилади. Юридик шахс, яъни фермер икки ойнинг ичида карзини булиб-булиб тулаши хам мумкин. Агар шунда хам тулолмаса таъсирчан чоралар курилади. Масалан, хисоб ракамига банд солинади, марказий депозитларига хат чикарилади ёки фермер балансида турган мол-мулк вактинчалик олиб куйилади. Бизда бу коидаларнинг бирортасига хам амал килинмаяпти”, дейди МИБ ходими.
МИБ бошлиги Озодликни “эшитмай” колди
Озодлик фермерлар ва МИБ ходимининг бу иддаоларига муносабат олиш максадида Пскент тумани МИБ бошлиги Улугбек Ортиков билан богланди.
Улугбек Ортиков узи билан гаплашаётганимизни тасдиклагандан сунг Озодлик мухбирининг “МИБ фермерларга нисбатан ижро ваколатини ошириб юборибди, фермерлардан шикоятлар бор” деган саволини эшитиши биланок, алокани узиб куйди.
Озодликнинг кейинги кунгирокларига, “эшитмаяпман” деб жавоб бериб, алокани узиб куяверди.
Узбекистон Бош прокуратураси хузиридаги МИБ матбуот хизмати мулозими фермерлар иддаоларини ёзиб олгач, уни урганиб 29 ноябрь куни жавоб беришини айтди.
