КУН УЗ Узбекистон янгиликлари KUN.UZ
Kun.uz тахририятига Кашкадарё вилояти Карши шахридан кизик мурожаат келиб тушди. Унда мурожаатчи курилиши учун миллиардлаб кредит олинган истирохат боги курилиши охирига етказилишида сунъий тусиклар пайдо булгани ва президентга такдим килинган лойиха майдонининг бир кисми айрим мансабдор шахслар томонидан олиб куйилаётганини баён этганди. Муаммони жойига бориб ургандик.
Видео: Mover (tas-ix)
Видео: Youtube
Ёдингизда булса, Узбекистон Республикаси президенти Шавкат Мирзиёев жойларда амалга оширилаётган бунёдкорлик ва ободонлаштириш ишлари билан якиндан танишиш, халк билан мулокот килиш максадида 2017 йилнинг 24-25 февраль кунлари Кашкадарё вилоятига ташриф буюрганди.
Ташриф давомида Кашкадарё вилояти худудида амалга оширилиши кузда тутилган бир неча лойиха президентга такдим килинганди. Шундай лойихалардан бири Карши шахрида курилиши кузда тутилган «Алишер Навоий» номидаги истирохат боги булиб, лойиха «ASINZA-BZ» масъулияти чекланган жамияти рахбари Бахтиёр Жураев томонидан давлат рахбарига намойиш этилганди.
Жамият рахбари лойиха деярли тугатилгани, бирок бог автотураргох майдонининг бир кисми баъзи мансабдор шахслар томонидан олиб куйилгани хакида гапирди.
«Президентимизнинг 2017 йилдаги Кашкадарё вилоятига ташрифи чогида мазкур истирохат боги лойихасини такдим килгандик. Президент керакли курсатмаларни бериб ишимизга ривож тилаганди. Бирок, хозирги кунда мазкур богга кириш кисмида курилаётган автотураргох майдонининг бир кисми олиб куйилмокда.
Богга энг зарур жой бу – автотураргох. Дам олиш кунлари келган одамлар уз машиналарини бу жойга куйиши керак. Йул четига куя олмайди, ЙПХ ходимлари жарима куллаши мумкин. Автотураргох булмаса, сунъий тикилинчлар пайдо булади. Купчилик богга машинасида келади. Оилавий келганлар уз машиналарини каерга куяди?
Аввалига автотураргохнинг умумий майдони олиб куйилди. Кейин прокуратура протести билан бир кисмини кайтариб олдик. Лекин тулик кайтариб ололмасак, мижозлар камайиб банкротлик ёкасига келиб колишимиз хам мумкин. Миллиардлаб кредитларимиз турибди. Тулашимиз керак.
Миллий банк ташаббуси билан бошланган лойихамизга 2 миллион доллардан ортик кредит ажратилганди. Чет элдан техникалар олиб келиб урнатганмиз. Президентимизга замонавий форматда курсатгандик. Улар биздек тадбиркорлар купайишини астойдил хохлагандилар. Бирок, мана шундай сунъий тусиклар пайдо булаверса биз нима килайлик? Жар ёкасига якинлашяпмиз. Бирор марта ташкилотларга шикоят билан арз килмагандим. Ахийри мурожаат килишга мажбур булдим», – деди жамият рахбари.
Шундан сунг, иккинчи тараф сифатида «Техномаш» МЧЖ вакили Хуршид Шукуровдан изох олдик.
«Дастлаб бу лойиха курилиши учун шахарда жойлашган 42 гектарли майдоннинг 5 гектар кисми шахар ер захирасига олинганди. Бу худудда истирохат боги курилиши кузда тутилганди. Автомобил тураргох майдони хам шу худуднинг ичида эди.
Автотураргох майдони худуди курилиш бошланишидан аввал курилиш ишлари учун кумак максадида олинганди. Лекин президентга такдим килинганда, менга карашли ер хам кушиб юборилган. Шунда худудимда уз курилишини бошлаган жамият рахбарига богландим. У лойиха тасдиклангани ва худуд богнинг бир кисмига айланганини таъкидлади.
Кейинчалик тегишли судга бериб бу низоли худуд масаласида судда хам ютиб чикдик. Нега масъул ходимлар менинг худудимни лойихага кушиб президентга курсатишганини, очиги тушунмадим. Шу вактгача бу жамият билан худуд масаласида тортишувимиз булмаганди. Лекин хозирга келиб катта жанжал юзага келмокда», – деди жамият вакили.
Кейин иккала тарафдан барча хужжатларни олиб уз журналистик суриштирувимизни бошладик.
2004 йил 16 ноябрда «Карши уй-жой саноат курилиш» жамиятига карашли 29-МККнинг «Алишер Навоий» номидаги истирохат богидаги 6205 кв.м. ер майдони «Техномаш» фирмасига сотилган. Вакт утгач шахар хокими И.Асадовнинг 2005 йил 4 январидаги карори билан жамиятга мазкур худуддаги 5016 кв.м. ер майдони доимий фойдаланиш учун топширилган. Ер майдони шахарнинг кейинги хокими Ш.Турсуновнинг 2009 йил 27 апрелдаги карори билан (худуд кайтадан улчанганми, йукми, билмадик), 6204 кв.м. килиб «Техномаш» фирмасига берилган. 2015 йил 29 майда бу худуд Карши шахар кадастр томонидан кайта давлат руйхатидан утказилган.
Орада низо вужудга келган. Уша вактдаги хужалик суди карорига асосан шахар хокими Ж.Фозиловнинг 2016 йил 26 декабрдаги карори билан 6204 кв.м. ер участкаси жамиятга мехмонхона ва спорт майдончалари куриш учун ажратиб берилган. Президент ташрифигача (2017 йилнинг февраль ойи) 2016 йилнинг 28 ноябрь кунида хозирги хоким Ж.Фозилов давлат рахбарига курсатиладиган лойиха майдонига нисбатан (5 гектар худуд учун) карор чикарган.
Унинг шахар схемасида курсатилган контурларига карасангиз, «Техномаш» фирмаси худуди хам автотураргох урни сифатида курсатиб утилган. Лойиха далолатномасига шахар хокими уринбосари Ф.Шомуродовдан бошлаб барча масъул идоралар имзо чекиб, мухрларини босган. Бошка хужжатларда хам барча керакли ишлар амалга оширилган. Ва бу лойиха паспорт сифатида президентга такдим килинган. Чунки богга келадиганлар учун автотураргох жуда мухим. Усиз иложи йук. Йукса, савол тугилиши мумкин. Чунки, богнинг асосий майдонида автотураргох урни курсатилмаган. Богни катта йулга улаш жойи сифатида низоли худуд курсатилган. Президентга буни курсатишган, лойиха уларга маъкул келган ва курилишига рухсат берилган.
Аникланишича, шу ва бошка холатлар юзасидан вилоят прокуратураси уюшган жиноятчилик ва коррупцияга карши кураш булими томонидан 2018 йилнинг 19 ноябрь куни Узбекистон Республикаси Жиноят кодексининг 205 («хокимият ёки мансаб ваколатини суиистеъмол килиш»), 207 («мансабга совукконлик билан караш») ва 228 («хужжатлар, штапмлар, мухрлар, бланкалар тайёрлаш, уларни калбакилаштириш, сотиш ёки улардан фойдаланиш») моддалари билан жиноят иши кузгатилиб, хозирда дастлабки тергов харакатлари олиб борилаётган экан.
Кулимизда мавжуд маълумотларга таяниб, «Техномаш» МЧЖ вакилига саволлар билан кайта юзландик. «Карши уй-жой саноат курилиш» жамиятида эгалик хукуки булмасдан «Техномаш» МЧЖга ерини сотган булиши мумкинлиги, гарчи олди-сотди шартномасида 6205 кв.м. курсатилган майдон курсатилган булсада, собик шахар хокими И.Асадов 5016 кв.м. улчамдаги майдон ажратиш тугрисидаги карорни имзолагани, нима сабабдан кейинчалик бошка хоким Ш.Турсунов даврига келиб майдон кайта хисобланиб, 6204 кв.м. килиб белгилангани хакида сурадик.
«Мулкимиз хакикий эгаллаб турган жойи 6204 кв.м. булгани сабабли шахар хокимиятига мурожаат килганмиз. Вакт утиб бу худуднинг хакикий эгаллаб турган майдонига нисбатан хокимнинг карори чикарилган», – деб изох бериб утди «Техномаш» МЧЖ вакили Хуршид Шукуров.
Маълумотларни олгач, изох олиш учун шахар хокимлигига бордик. У ердан шахар хокимини топа олмадик. Оз фурсат утиб шахар хокими Жамшид Фозилов ва Кашкадарё вилоят хокими Зафар Рузиев оддий халк вакиллари билан учрашув утказаётгани хакида хабар топдик. У ерга бориб вилоят хокимига муаммони тушунтирдик. Вилоят хокими муаммони «адолатли хал этинглар» деб шахар хокимига алохида топширик берди. Шахар хокими холат юзасидан тушунтириш бериб утди.
«Суд карори билан автотураргох майдони «Техномаш» МЧЖга берилган. Лойиха уша вактда президентга курсатилган. Уларнинг ташаббуси билан булган. Агар прокуратура протест келтириб, суд карори асосида бекор килса, менинг карорим хам бекор булади. Лойихани Шавкат Мирзиёевга Миллий банк такдим этган. Курсатишдан аввал шахар хокимлигидан сурамаган. Лойиха банкнинг кредити эвазига булган. Далолатномалардаги тафовутга тухталсак, уша вактда Миллий банк раиси келган вактда бир кунда тезлаштириб килинган иш эди. Карор ости хужжатининг хакикийсини кейинрок такдим этганмиз», – деди у.
Сунг, Узбекистон ташки иктисодий фаолият Миллий банкидан изох олишга уриндик. Сайтида курсатилган кунгирокларга хам богланишга харакат килдик. Хозирча харакатларимиз самарасиз якунланди.
Шу уринда бир неча саволлар юзага келди. Нега ташрифдан аввал хужжатлар тулик урганилмаган? Нима учун бошка тадбиркорга тегишли булган худуд давлат рахбарига курсатилган? Нахотки бундан хеч кайси мансабдор шахснинг хабари булмаган? Агар президент келгунича мансабдор шахсларнинг хабари б
