Шифокорлар канча маош олишлари лозим?

Сунгги пайтларда укитувчи касбининг обрусини кутариш масаласи куп мухокама килинди ва уларнинг маоши бсокичма-боскич ошириб борилмокда. Аммо бюджетнинг ута мухим яна бир катлами борки, улар хам алохида эътиборга мухтож.

Шифокорларнинг давлатдаги, жамиятдаги урни бекиёс, бу шубхасиз. Лекин сунгги йилларда бу соха буйича хам зиддиятли фикрлар куп учрамокда. Тизим ходимлари маошлар камлигидан, моддий техник база сустлигидан, аник белгиланмаган ва огир иш вакти каби муаммолардан шикоят килишса, беморлар шифокорларнинг порахурлигидан, етарли эътибор каратмаслиги ва малакаси пастлигидан нолишади. Бир карашда хар икки томон хам узича хак. Келинг, хар икки томоннинг фикрларини урганамиз.

Бемор нуктаи назари

Шифохонага ишингиз тушса, тамом булдим деяверинг. Таниш-билишингиз булсаку яхши, агар хеч кимга суянмай борсангиз навбат кутиб умрингиз утиб кетади. Бир амаллаб шифокорга кирганингизда хам кул учида куради ва оламжахон дориларни ёзиб бериб, кулингизга тикилиб туради. Атаганингизни кистириб, дорихонага жунайсиз. У ерда шифокор белгилаган дориларнинг нархини эшитиб, капалагингиз учади.

Яна камига диагностика учун беш-олти жойга жунатади ва керак-нокерак аппаратларга тушиб, бор-будингиздан айриласиз. Нахотки, шифокорлар турли-туман ускуналарга шу кадар суяниб колган булсалар?

Айникса тугрукхоналарда вазият чаток. Бола эсон-омон дунёга келсин деб сураганини берасиз, яна камига чикиб кетаётганингизда хам суюнчи аллаканча пулингизни шилиб олишади. Бермайман десангиз иложи йук, катор булиб тургандан кейин, болангиз уларнинг кулида булганидан кейин нима хам килардингиз?..

Огир операциялар пайтида жаррохларнинг куни тугади. Аввал келишиб, берадиганингизни бериб куймасангиз, операциянгиз хам чузилади, сог-саломат чикишга хам кафолат йук.

Энг алам киларлиси, купчилиги уз касбининг сирларини билмайди, таваккалига дори ёзиб бераверади. Сизнинг саломатлигингиз иккинчи даражали.

Шифокор нуктаи назари

Агар хаётимни кайта бошлаш имконияти булганида, шу касбни танламасдим! Мутлако жиддий айтяпман. Тугри, куча тозалаш, пахта териш, ягана килишга очикдан-очик мажбурлашларидан кутулдик. Аммо халиям бюджетнинг пулини бекордан-бекорга еб ётибсан, деган миннатли гаплардан халос булганимиз йук. Уша бюджет бизга маош учун ажратаётган пулнинг узи кулгили. Хуп, айтайлик мен пора олмайман ва халол ишлайман. 1,3-1,5 миллион сум ойлик оламан. Хуш, бу пулга оиламни, усиб келаётган уч боламни бокишим мумкинми? Лекин шугина маошнинг хам осмон кадар жавобгарлиги бор — бемор учун сиз шифокорсиз, ойликни оляпсизми, давлат сизни укитганми, вазифангизни бажаришингиз шарт! Балки сиз контракт тулаб, уз пулингизга укигандирсиз, маошингиз тирикчиликка етмас, лекин бунинг кимга кизиги бор?

Охирги пайтларда маошлар ошиши хакида яхши хабарлар эшитдик, умид билан кутяпмиз…

Бир кунда 10 соатгача ишлайман, яна кунора навбатчилик. Аммо беморларнинг норозилиги тинмайди. Хозирги беморлар зур усулини топиб олишган – портал! Бир куни хамшира бир бемор бола учун отасига иккита «памперс» олиб келишни айтибди. Бояги отанинг хаммаёкни бошига кутариб дук уришини курсангиз эди. Нима эмиш, давлат хамма нарсани таъминлаб куйганмиш, хаммасини бепул беришимиз керак эмиш. Тугри, охирги йилларда таъминот анча яхшиланди, лекин хали хамма нарсани давлат таъминлаб куйишига анча бор. Умуман, узи хеч качон бундай булмаган, булмайди хам.

Кишлокдаги шифокорнинг холига бир каранг — мол хам бокади, дехкончилик хам килади, керак булса пахса хам уради. Ахир у хам не умидлар билан 7-8 йил суягу-улик титкилаб укиган. Шу кишлогимга фойдам тегсин деб кайтиб келган. Яганада хам, пахта теримида хам у бор. Кишлокда одам йуталса хам унга караб чопади. Яхшиям халкимиз хизматини курук куймайди. Укол килди дея иккита нон кистириб жунатади. Лекин охирги пайтларда мана шу берганини миннат килганларнинг бир тоифаси пайдо буляпти.

Поликлиникадаги духтирларга янаям кийин. Эшигининг олди хамиша гавжум, лекин тузалиб кетаколмайдиган беморларнинг дафтарлари бир хирмон. Хар ташрифга сахифа-сахифа тулдириб ташланади. Бу ерда энди нон бериш урф эмас — сахийроклар беш-ун минг сум ташлаб кетишади, бошкалари шунчаки рахмат. Шифокор шунга хам хурсанд, шундай тушумларга хам шукр килиб куча тозалаш, бинони таъмирлаш, обуна, ишидан ташкари уйма-уй юриб хамманинг холидан мажбурий хабар олишларни хам ичига ютиб бажаради.

Тез ёрдам шифокорлари иши хамманикидан хам огир, маст-аластни эплаган хам, депрессияни амаллаган хам, камига борган жойида калтак еган хам шулар. Тугри, маоши купрок, бандлиги камрок. Лекин улар утказган битта тун бошкаларнинг бир неча кунига тенг.

Шундай кизик одамларимиз борки, туй килса коплаб пул сочади. Лекин саломатлигига келганда хасислиги тутади. Белгиланган муолажалар узи учун, лекин шуни хам пул сарфламаслик учун кабул килмаслик пайида булади. Дори буюрсанг арзонлигига учиб сифатсизини харид килади, кейин шунча ичиб нега тузалмаяпман деб эътироз хам билдиради.

Соглом турмуш тарзи, бадантарбия деган тушунчалар умуман ёт булиб улгурган!

Лекин организм маълум даражага келиб, бир дард тутганидан кейин шифокорнинг хузурига чопади ва дархол даво топмаса, бутун тизимни ёмонлай бошлайди. Хуш, шу пайтгача каерда эдингиз? Ичмаслик, чекмаслик кераклигини билмасмидингиз? Эрталаб туриб бироз югуриш кераклигидан бехабармидингиз? Энди кандай килиб дарров тузатиб юборишни талаб киласиз?

Юкорида маош тугрисида гапирдим. Албатта, куп сохаларда муаммолар бор, давлат иктисоди хали у кадар бакувват эмас. Лекин биз хам бугун яшаяпмизку! Харбийлар, МИБ ходимларининг маошларига хавас киламиз. Хатто курувчилару, компьютер дастурчиларининг ойлиги хам шифокорларникидан юкори. Тугри, МИБчилар пора олмаслиги учун баланд маош белгиланган. Хуш, шифокорчи, унга пора олиш мумкин эканда демак?!

Умуман, асрлар давомида халкимизда хакимларга бериб келинган назр-ниёзни пора деб аташ мумкинми?

Сохадаги кийинчиликлардан зериккан купчилик хусусий тиббиётга утиб кетяпти, янада илгорлари хорижга жунашяпти. Хатто халки кашшок мамлакатларда ишлаган хамкасбларимиз хам ойига камида 1000 доллар маош олишяпти, 3-5 минг олаётганлари хам талайгина. Хамма уз ишини ташлаб кетаверса, бу соха кимларга колади?

Тор мутахассисликдан воз кечиб, хаммани умумий амалиётга утказишда шифокорлар обруси ва даромадлари бир тукилганди. Качон тикланади, хайронман.

Хуллас саволлар бисёр…

Киссадан хисса

Куриб турганингиздек, хар икки томоннинг хам узига яраша эътирозлари бор ва хар бири узича хак. Биз хам кайсидир тарафнинг палласига тош босиш фикридан воз кечиб, дунёнинг турли давлатларидаги шифокорларнинг моддий ахволи билан кизикамиз, хулоса эса узингиздан (ракамлар бюджет ташкилотларининг уртача статистик курсаткичларга асосланган).

Европа

Нидерландия

Йиллик уртача маош (мутахассислар): 253 000 $

Йиллик уртача маош (умумий амалиёт шифокорлари): 117 000 $

Бельгия

Йиллик уртача маош (мутахассислар): 188 000 $

Йиллик уртача маош (умумий амалиёт шифокорлари): 61 000 $

Буюк Британия

Йиллик уртача маош (мутахассислар): 150 000 $

Йиллик уртача маош (умумий амалиёт шифокорлари): 118 000 $

Франция

Йиллик уртача маош (мутахассислар): 149 000 $

Йиллик уртача маош (умумий амалиёт шифокорлари): 92 000 $

Ирландия

Йиллик уртача маош (мутахассислар): 143 000 $

Йиллик уртача маош (умумий амалиёт шифокорлари): 90 000 $

Швейцария

Йиллик уртача маош (мутахассислар): 130 000 $

Йиллик уртача маош (умумий амалиёт шифокорлари): 116 000 $

Дания

Йиллик уртача маош (мутахассислар): 91 000 $

Йиллик уртача маош (умумий амалиёт шифокорлари): 109 000 $

Норвегия

Йиллик уртача маош (мутахассислар): 77 000 $

Йиллик уртача маош (умумий амалиёт шифокорлари): 69 000 $

Швеция

Йиллик уртача маош (мутахассислар): 76 000 $

Йиллик уртача маош (умумий амалиёт шифокорлари): 66 000 $

Финляндия

Йиллик уртача маош (мутахассислар): 74 000 $

Йиллик уртача маош (умумий амалиёт шифокорлари): 68 000 $

Шимолий Америка

Канада: 100-120 минг $

АКШ: 180-245 минг $

Марказий Осиё

Козогистон: 4-7 минг $

Тожикистон: 1-1,3 минг $

Киргизистон: 2-2,5 минг $

Араб давлатлари

Яман: 12-18 минг $

Жазоир: 10-14 минг $

Саудия Арабистони: 60-85 минг $

Аброр Зохидов.