Sevimli TV хусусий телеканали 15 июль куни эфирга берилган хорижий фильмдаги интим сахна киркиб ташланмагани учун узр суради. Телеканал “миллий ахлокка зид сахнани утказиб юбориб, хатоликка йул куйган” ходимларини ишдан бушатди.
“Хурлико”нинг “уятсиз сахнаси”
15 июль куни соат 22:30да Sevimli TV оркали “Хурлико” (I Feel Pretty) хорижий фильми тулалигича эфирга узатилди яъни фильмдаги “миллий менталитетга мос булмаган” сахналар киркиб ташланмаган холда томошабинларга намойиш килинди.
Томошабинлар томонидан тасвирга олиб таркатилган фильмнинг уша “уятсиз сахнасида” аёл ва эркакнинг упишаётган кадри акс этган. Бироз утиб кадрда аёлнинг ялангоч елкаси куринади ва кейин тушакда ётган эркакнинг бош кисми куринади. Аёл ва эркакнинг харакатланишидан бу кадрлар жинсий алокага ишора эканлиги англашилади.
Шу куннинг узида фильмни курган томошабинларнинг муайан гурухи орасида “узбекчиликка зид” фильм намойиш этган телеканални коралаш кампанияси бошланди. Айримлар “миллат маънавиятини оёк ости килган” телеканал маъмуриятига катъий чора куриш талаби билан чикди.
“Уятсиз сахна” учун кечирим
16 июль куни тушга якин Sevimli TV телеканалининг Facebook сахифасида“кечирим хати” эълон килинди. Телеканал маъмурияти “Хурлико” фильмидаги интим сахна хатолик боис эфирга узатилгани ва бунга ходимларнинг масъулиятсизлиги сабаб булганини таъкидлади.
“Фильмда техник хато туфайли миллий ахлокимизга зид киска эпизод утиб кетиб колгани учун” барча телетомошабинлардан узр сураган телеканал ижодий жамоси “Бундай хато такрорланмаслиги учун зарур чора-тадбирлар курилди ва белгиланди”, дея хабар килади.
Sevimli” телеканали уз томошабинларидан узр сурайди
Каналимиз мухлисларига маълумки биз узбек миллий кинолари билан бир каторда хориж кино ижодкорларининг тарихий ва замонавий мавзудаги фильмларини намойиш этиб келамиз. Мазкур фильмлар купчилик томошабинларга манзур булаётганлиги канал ижтимоий тармокларида билдирилаётган фикр-мулохазалардан маълум.
Бирок, иш бор жойда камчилик хам булади деганларидек, 15 июль куни кеч соат 22. 30 дан кейин эфирга узатилган фильмда техник хато туфайли миллий ахлокимизга зид киска эпизод утиб кетиб колди. Уз ишига масъулиятсизлик килган барча ходимлар ишдан бушатилди. Бундай хато такрорланмаслиги учун зарур чора-тадбирлар курилди ва белгиланди.
Ушбу холат муносабати билан каналимиз ижодий жамоаси барча телетомошабинлардан узр сурайди.
Камида уч киши ишдан кетди
Sevimli TV ходимларидан бирининг исмини очикламаслик шарти билан Озодликка айтишича, “Хурлико” фильмидаги интим сахна можароси боис камида уч ходим ишдан олинган:
“Одатда хар бир фильм, айникса, чет эл кинолари аввалдан томоша килиниб, ундаги менталитетимизга мос булмаган сахналар монтаж килиниб, киркиб ташланиши лозим. Якшанба куни булгани боис одам кам булган ва кинони монтаж килиш эсларидан чикиб колган. Мен эрталабки мажлисда катнашмадим, лекин хамкасбларимнинг айтишича, уч киши ишдан бушатилибди. Ичида уша кунги навбатчи мухаррир хам бор. Балки яна кимларнидир ишдан олиши ёки виговор беришлари мумкин экан. Кечанинг узида туполон булиб кетди. Халигача бу туполон бости-бости булмади”, деди Sevimli TV ходимларидан бири.
Сухбатдошнинг айтишича, улар кулида “менталитетга мос булмаган сахналар руйхати” йук.
“Шахсан мен бунака руйхатни курмаганман. Лекин оилада утирган пайти куриш уят булган сахналар, масалан, упишиш, кучоклашиш ёки тушакда ётган сахналарни бериш мумкин эмаслигини хаммамиз биламиз. Бизда чет элга ухшаб, детский времядан кейин +18 киноларини бериш деган нарса йук. 24 соат курсатув берсангиз, хаммасига бирдай талаб бор”, дейди телеканал ходими.
Хорижий фильмларни монтаж килиш конунийми?
Хорижий фильмларни монтаж килиш кайси конуний хужжатга мувофик амалга оширилади? Исталмаган сахналарни киркиб ташлаш оркали фильм муаллифларининг хукукларига дахл килинмаяптими? Бу саволлар – алохида катта мавзудир.
Ахборот технологиялари ва коммуникацияларини ривожлантириш вазирлигининг Озодлик богланган ходими «Миллий менталитетга мос келмайдиган сахналар» борасида вазирлик хузуридаги Мониторинг марказидан маълумот олишимиз мумкинлигини айтди.
Теледастурларни кузатиб борувчи Мониторинг марказининг узини Рашид деб таништирган ходими эса, берган саволларимизни урганиб, кейин узлари кунгирок килишини айтиб, Озодлик мухбирининг телефон ракамларини ёзиб олди. Бирок кунгирок килишмади.
“Битта лабидан упганига шунчами?
Sevimli TVдаги “уятсиз” сахна борасида бахслашган ижтимоий тармоклар юзерлари икки гурухга булингани кузатилди. Ушбу сахна намойишини коралаган муайян гурухга карши турган юзерлар бу каби сахналарнинг хеч кандай уятли жойи йуклиги хакида ёзишди.
Жумладан, Facebook фойдланувчиси @Otabek Kadirov “Битта лабидан упган сахнани утиб кетганига шунча шов-шув килиш керакми?! Одамлар “Дайди кизнинг дафтари” “Бахор кайтмайди” “Шайтанат”лардаги шунака жойларини укиб санъат даражасига олиб чикишадию битта твда курганини менталитетга карши деб пропаганда килади. Абсурддан бошка нарса эмас”, дея ёзди.
Журналист Жасур Хамроев эса “Хар бир фильм хар бир миллат хусусиятларини инобатга олиб, яратилса, “бутка” булади-ку?! Шундок хам фильмларни “киркавериб”, мазмуни “пойинтар-сойинтар” булиб колмокда!” дея ёзгирди Facebook сахифаси оркали.