ПИР КАЛЛОБ….МИ?

Ёшлигимизда телевизорда Мирзо Улугбекка багишланган бадиий фильм куп куйиларди. Унда бир лавха бор эди. Муридлардан бири айтган “пирим каллоб” иборасини унинг тутиси “пи-и-рр-имм каллоб” деб такрорлайди. Уз вактида мана шу ибора анча машхур булиб кетган эди. Бу фильмни (тугрироги тутининг гапини) эслашимизга, бундан бир неча йил аввал гувох булганимиз бир вокеа сабаб булди.

Ушанда юртдошларимиздан бири уз атрофидагиларга “пирга кул берганини, энди намоз укимаса хам, руза тутмаса хам булаверишини, пирининг намози, рузаси муридларига хам утавериши” хакида сафсата сотарди. Ёши менга нисбатан анча катта булгани боис, шунингдек билмай туриб гапириб юбориб, хато килиб куйишдан хавотирга тушиб, индамадим. Аммо мана шу сухбат анча вакт халоватимни йукотди. Дин, жумладан тасаввуфга оид китобларни вараклаб чикишга тугри келди. Бирор бир китобда пирга мана шундай – муридлари учун намоз укиш, руза тутиш каби ваколат берилгани учрамади. Содда халкимиз каллоб пирларнинг макрига учраб колмаяптимикан, деган андиша билан “бундан уларни огохлантириш керак”, деган ниятда кулга калам олдим.

Тугри, тасаввуф хакида устозларимиз, диний уламоларимиз куп ва хуп ёзишган. Шундай булса – да нима учун тугри хулоса чикарилмаяпти ва саводсиз “пирлар” бошкаларнинг бошини айлантиришда давом этмокда? деган савол тугилади. Узбекистон мусулмонлари идораси раиси уринбосари Айдарбек Тулеповнинг ёзишича (“Кишлок хаёти” газетаси 2015 йил 21 апрель) тасаввуф рухий – маънавий покланишга даъват этувчи гоялар силсиласи сифатида пайдо булиб, унинг намояндалари узок асрлардан бери инсониятнинг маънавий тараккиётига муносиб хисса кушиб келмокда. Куплаб олиму уламо, фозилу фузало, давлат ва жамоат арбоблари узларини тасаввуф оламига дахлдор санаган, унинг покликка даъват килувчи гояларини халк турмуш тарзига татбик этиш йулида саъй – харакат килишган.

Аммо сунгги вактларда айрим кимсалар тарикатни мансаб, мол – дунё ортириш, муридбозликка айлантириб олдилар. Олим ва уламоларнинг сузларига караганда, бу шахслар тасаввуф таълимотининг гояларидан анча узоклашиб кетишган. Шайхлик макоми мол-дунё туплаш манбаи булиб колаётганидан хам асло куз юмиб булмайди. Муридлар томонидан пирларни кукларга кутариб улугланиши, уларнинг тавоф килиниши динимизда хам, тарикатда хам йук.

Тасаввуф тарихида юкори даражаларга кутарилган улуг шайхларнинг хаммаси шариат илмларининг устозлари булиб, тарикатга утмокчи булганларни аввал шарьий илмларни эгаллашга даъват килганлари маълум. Шу уринда Ахмад Яссавийнинг Гафур Гулом номидаги Нашриёт – матбаа бирлашмаси томонидан 1992 йилда нашр килинган “Девони хикмат”ига мурожаат киламиз. Китобнинг “Факрнома” булимида шундай ёзилади:” Биздин сунгра андог машойихлар пайдо булгайким, иблис алайхил-лаъна алардин сабак олгай ва хамма халк аларга мухиб булгай ва муридларини бошкара олмагайлар. Ул шайхларким, муридларидин тамаъ килгай ва жонини куфру залолатдин айирмагай ва ахли бидьатни яхши кургай ва ахли суннатни ёмон кургай ва илми шариат бирлан амал килмагай ва номахрамларга куз солгайлар ва ёмонлиг пеша килиб, Аллох таъолонинг рахматидин умид туткай ва машойихлар ишини хор кургай, муридлари рад булгай, узлари муртад булгай ва яна хорлик – зорлик бирла муридларининг эшигида юругайлар. Ул холда муридларидин ниёз олгайлар. Агар муридлари назру ниёз бермаса, урушкайлар”.

Хозирги кунда учраб тураётган муридларнинг уз пирларини хаддан зиёд улуглаётганига нима дейиш мумкин? Уларнинг пирдан бошкаларнинг сузига кирмаслигига, мукаддас китобларга амал килмай, уламоларнинг сузларини тан олмай беписанд карашларига кандай бахо бериш керак? Бу такаббурлик эмасми? Кани бу ерда Ахмад Яссавийнинг камтарлик хакидаги “туфрок булгил” деган насихатлари?

“Факрнома”да ёзилади: “Шайх Зуннун Мисрий рахматуллохи алайх андог айтибдурларким, мурид кирк йил хизмат килмагунча, шайхлик ва факирлик ва дарвеш урни анга таъйин булмас ва хирка киймоги онга раво эрмас. Хазрати Султон Хожа Ахмад Яссавий андог айтибдурларким, хар ким пирлик ва шайхлик даъвосин килур булса, кирк йил то пирнинг хизматида юрмагунча, шайх урни анга раво эрмас. Агар мурид олса, рад турур. Хар ким дарвишлиик даъвосин килса, аввал Хак амрина буйин сунуб, шариат амри бирла булгай. Ва ботил ишлардин ва бидъат ишлардин пархез килгай, кеча киём булмагунча, кундуз хизмат килмагунча, шайхлик даъвосин килса, ботил турур. Агар тавба килмай дунёдин борса, Хак таъоло тамугда турлук азобга гирифтор килгай”.

Яна савол тугилади: “Хозир узларини пир деб атаётганлар кайси пирнинг хизматини кирк йил килибди?” Умуман улар “тарикатга шариатсиз кирганларнинг шайтон келиб имонини олар эмиш” дея насихат килган Ахмад Яссавийнинг, шунингдек, Саййид Амир Кулол, Саййид Умар, Саййид Барака, Хужа Абдухолик Гиждувоний, Хожа Бахоуддин Накшбанд, Хожа Убайдуллох Ахрор каби буюк авлиёларнинг таълимотидан хабардормикан?

Бугунги кунда пирлик даъво килаётган (тугрироги, одамлар кунглига кутку солаётган, мурид овлаш, давлату савлат илинжида турт томон изгиётган кимсалар) ва уларга кул бераётган муридларга Ахмад Яссавийнинг куйидаги сузларини яна бир бор эслатиб утиш керакка ухшайди: “Шайх улдурким, ниёз олса, мустакихларга, гариб, бечорага бергайлар. Агар олиб узи еса, мурдор эт емишдек булгай. Агар тун килиб кийса, ул тун тузгугунча Хак таъоло намоз, рузасини кабул килмагай ва агар олган ниёзидин нон олиб еса, Хак таъоло они дузахда турлук азобга гирфтор килгай. Ва агар андог шайхга хар киши эътикод килса, кофир булгай. Андог шайхлар малъун турур. Анинг фитнаси Дажжолдин бадтар, шариатда, тарикатда, хакикатда, маърифатда муртад турур. Эй толиб, агар Хакни талаб килиб, тобай десанг, ондог пирга кул бергилки, шариатда орифи биллох (Аллохни таниган киши) булса, тарикатда вокифи асрор булса, хакикатда комилу мукаммал булса, маърифатда дарёи уммон булса, ондог пирга кул бергилки, саодат булгай. Агар мурид шариат илмини билмаса, шариат илмини онга ургатгай. Агар тарикатда холи вокеъа пайдо булса, тарикат илми бирлан йулга солгай ва хакикат сиридан муридга йул курсатгай. Маърифатда жазабан Хак пайдо килгай”.

Хулоса урнида шуни айтиш керакки, Ислом илм динидир. “Хитойда булса хам илм изла” дейилади Хадиси шарифда. Тарикатдаман дегувчи айримларнинг илм урганишдан узларини олиб кочаётганлари аянчли ва ачинарлидир. Пайгамбаримиз (саллаллоху алайхи ва саллом)нинг “Аллох таоло сизларнинг ташки куринишларингиз ва мол – мулкларингизга эмас, балки амалларигизга карайди” деган хадисларига амал килмай тарикат йулига кирдим деб кийим – бошларини, юриш – туришларини узгартираётганларни хам асло оклаб булмайди. Бир нарсани – тасаввуф халоллик, мехнатсеварлик, адолат ва ростгуйлик каби умуминсоний кадриятиларни узида мужассам этганини асло унутмаслик керак.

Шарофиддин Тулаганов