Узбекистон Бош вазирининг собик уринбосари Зойир Мирзаев оккургонлик мулозим ва фермерларни сувга буктиргани акс этган сурати таркалган куннинг узида ижтимоий тармокларда кесак кутариб турган олти нафар мулозимнинг сурати хам пайдо булган эди.
Озодлик суриштируви давомида айни сурат 26 октябрь куни Тошкент вилоятининг Бекобод туманида олингани ва суратдаги мулозимлар исм-фамилияларини аниклашга муваффак булди.
Сурат кахрамонларининг айтишларича, бугдой экилган майдоннинг кесаги майдаланмагани учун Бош вазир уринбосари олти нафар мулозимни шу тарика жазолаган.
Мулозимлардан беш нафари Бекобод тумани хокимлигида турли рахбарлик вазифаларни бажараётган шахслар ва бир нафари Тошкент вилояти Сув хужалиги бошкармаси бошлигидир.
Бекобод тумани хокимлиги мулозимига кура, суратдаги олти кишидан бир нафари уз аризасига кура ишдан бушаган, колганлар эса вазифасини давом эттирмокда.
Ижтимоий тармокларда таркалган суратда бугдой усаётган далада олти киши боши бараварида кесак кутариб тургани тасвирланган. Суратдагилардан икки нафари иккитадан катта кесак кутариб олган. Кулидаги кесаги катта булгани учун чапдан учинчи одам уни майишиб кутариб тургани куринади.
“Кесак майдаланмаган булса, узинг кутариб тур”
Вокеани уз кузи билан курган, аммо жазоланиш эхтимолидан куркиб исми сир колишини сураган Бекобод тумани хокимлиги мулозимига кура, Бош вазир собик уринбосари Зойир Мирзаев галла экилган майдонларни кузата туриб, далада кесакнинг куплигидан газабга келган:
“Нега, шудгордан кейин кесагини майдаламай бугдой экдиларинг, хамманг анакасан, бунакасан, деб бакириб, сукди. Кейин туман кишлок хужалик буйича уринбосари Фарход Хотамовни, туман фермерлар кенгаши раиси Улугбек Худойбердиевни, кишлок хужалиги бошкармаси бошлиги Косим Бозорбоевни, кадастр бошлиги Абдулла Умаровни, туман сув хужалиги бошлиги Иброхим Бердикуловни, вилоят сув хужалиги бошлиги Бахтиёр Курбоновни галлазордан катта кесакларни териб боши баравар кутариб туришни буюрди, дейди мулозим.
Унинг маълум килишича, Зойир Мирзаев “ёнидаги одамга бошкаларга урнак булиши учун” уларни суратга олиб таркатишни буюрган.
Унинг айтишича, бу вокеа Бекобод туманининг “Ботир Малик” фермер хужалиги даласида содир булган.
Озодлик кесак кутаришга мажбурланган Бекобод тумани Сув хужалиги булими бошлиги Иброхим Бердикулов билан сухбатлашишга муваффак булди.
У галлазордаги кесакларга хеч кандай алокаси булмаса хам, асоссиз жазоланганини айтди:
– Бугдой экиш учун дала яхши тайёрланмаган, кесаклар майдаланмаган экан. Биз сув хужалиги булсак, шуниси алам киляптида, сув етмай колганда эди бошка гап эди. Бизни хам уша ерда булганимиз учун тушиб колдикда, кимсан деб хам сурамай, кесак кутаргизиб куйди. Замминистр ёрдамчиси суратга олиб булганидан кейин кесакларни ташладик, дейди Иброхим Бердикулов.
Бекобод тумани Ер ресурслари ва кадастр булими бошлиги Абдулла Умаров кесак кутаришга мажбурлангач уз ихтиёри билан ишдан бушаганини Озодликка айтди.
Туман хокимлигининг исми сир колишини сураган мулозимига кура, колган мулозимлар хозирда уз ишини давом эттирмокда.
Бугдойга сув куймаган айбдорлар сувга буктирилган эди
Тошкент вилоятининг Оккургон туманида 6 кишининг арикдаги сувда тиззасигача букиб тургани акс этган сурат 27 октябрда ижтимоий тармокларда таркалиб, кизгин мухокамаларни кузгатганди.