КУН УЗ Узбекистон янгиликлари KUN.UZ
Навоий вилоят хокими Кобул Турсунов Kun.uz’га берган интервьюси давомида Интернет ва ижтимоий тармокларда катта шов-шув келтириб чикарган ва вилоятдаги 8 та туман хокимларига берилган Malibu-2 русумли машиналар хакидаги саволга хам жавоб берди.
К.Турсуновнинг айтишича, ушбу автомашиналар туман хокимларига эмас, вилоят хокимининг беш нафар уринбосарларига, биттаси шахар хокимига ва колган иккитаси вилоят фавкулодда вазиятлар бошкармаси хамда давлат солик бошкармасига берилган. Вилоят хокимининг билдиришича, президент Ш.Мирзиёев махаллий хокимларга бюджетга тушадиган тушумларни уз ихтиёрлари билан ишлатиш ваколатини бергач, бундай машиналарни олишга имконият пайдо булган.
«Манбасидан суз очсам, мухтарам юртбошимиз томонидан 2017 йилнинг бошиданок махаллий давлат хокимларининг фаолиятини эркинлаштириш, уларни булаётган барча сохаларда салохиятини ошириш нуктаи назаридан куп ваколатлар берилди. Колаверса, хукуматимизда уша енгил хизмат машиналари билан боглик карорга хам узгартириш киритилди», деди К.Турсунов.
Вилоят хокимининг таъкидлашича, машиналар GM Uzbekistan сайтида курсатилганидек 302 миллион сумдан эмас, балки акция сабаб 267 миллион сумдан олинган.
«Вилоятимиз худуди жуда хам катта. Айтайлик, Навоий вилояти марказидан Томди туманининг кайсидир кишлогига бориш учун 450 км масофа босишимиз керак булади. Махсулотнинг нархи, киймати аввало, сифати ва яроклилиги билан белгиланади. Бизнинг бу харакатимиздан муддао — хар икки йилда битта машина алмаштирмайлик-да, хизмат муддати 10 йилга етадиган битта машина минайлик», — деди К.Турсунов.
Умуман, аввалбошда Chevrolet Malibu машиналари эмас, Chevrolet Captiva машиналари буюртма килинган булган. Бирок Captiva ишлаб чикаришдан олиб ташлангач, Malibu’лар махсус акция доирасида арзонрокка етказиб берилган ва уларнинг хар биридан карийб 50 миллион сум иктисод килинган.
«Биздаги мавжуд автопаркнинг техникалари узининг хизмат муддатини утаб булган автомашиналар ташкил этади. Учта уринбосаримизда Captiva русумли автомашина бор эди. Биз учта автомашинани туман хокимларининг хизмат муддатини утаб булган машиналари урнига хизмат машинаси сифатида бердик», — деди Навоий вилоят хокими.
Вилоят хокими К.Турсунов люкс типидаги машиналарни олинганига сабаб килиб, вилоятга турли хорижий делегация вакиллари тез-тез ташриф буюришаётгани, уларни вилоят буйлаб олиб юриш учун вилоят хокимлиги ихтиёрида зарур турдаги автомашиналар етишмай келганини хам таъкидлаб утди. Энди вилоят хокимлиги ва ташкилотлар ихтиёридаги мавжуд автомашиналар билан вилоятга келувчи йирик хорижий делегация вакилларини хам бемалол олиб юриш мумкин булади.
Вилоят хокими шунингдек, Навоий вилояти билан хамкорлик килаётган Россия областларидан биридаги холатни хам гапириб берди.
«Мен Россиянинг губернаторлари, уларнинг уринбосарлари кандай кун кечирмокда деган савол билан хам кизикдим. Аник биламан, биз билан хамкорлик килаётган уша областлар хам дотацияда — давлат таъминотида турибди. Кайси областлигини айтолмайман, лекин уша губернаторнинг уз хизмат самолёти, хизмат вилласи, чет элдан харид килинган, тилларга тушган, бирок узимизда ишлаб чикарилган машинанинг кийматидан нархи 8 баробар киммат хизмат машинасида юрар экан», деди К.Турсунов.
Malibu машиналарига мавзусини мухтасар этар экан, Навоий вилоят хокими К.Турсунов «Менимча, бу ерда халк ёки давлатнинг кандайдир манфаатига путур етадиган харакат содир этилмаган», деди.
Навоий вилоят хокими Кобул Турсунов билан сухбатни куйидаги хаволаларда тулик томоша килинг:
Tas-IX
YouTube
