Мусофир

Ишдан кайтаётсам бекатда бир одам кулида даста гул билан бир нуктага термулиб утирарди. Автобус кутиш билан бирга уни бироз кузатдим. Уст боши бинойидек, кулидаги гулни курган хар кандай инсон уни бирон-бир базмга ёки маросимга кетаётган деб уйлайди. Лекин яхширок назар солсангиз унинг кузлари хаддан зиёд сулгин. Уз-узимга савол бера кетдим. Нима учун? Нима сабабдан? Нимага? Хуллас бу саволлар охири унга мурожат этиш билан якунланди.

– Кимсиз?

У индамади. Юзимга бир каради-да, яна уша нуктасига термулиб утираверди. Орада жим-житлик. Анча вакт утгандан сунг мен кетишга шайландим. Жавоб эшитишдан хам умидимни уздим. Шу лахзаларда у тилга кирди.

– Мусофирман!

     Шундай деди-да, бекатдан йул чети буйлаб бошини хам килганча гулни чалканча кутариб огир кадам ташлаб кетди. Йул буйи у хакида уйлаб келдим. У менга купрок Саид Ахмаднинг «Кора куз мажнун» хикоясини эслатарди.

     Хикоядаги Бурихон 19 ёшида Ватан химояси учун армияга кетади. Мусофир булиб, узга юртда хизмат килади. У армия хизматини утагандан кейин, уйига кайтмади. Аксинча мусофир булиб, уша юртда колиб кетди. Онаизор эса фарзандини 32 йил зор какшаб кутди. Ва нихоят Бурихон 51 ёшга тулганда онасини кургани уйига кайтди.
Саодат ая фарзандини багрига босиб йиглади. Келганидан, курганидан, багрига босганидан бахтиёр эди. Углининг елкалари ва бошларига куз ёшлари тукиларди. Уша куни она-болага супага жой солиб беришди. Кампир боласига тикилиб мижжа кокмади. Бурихон эса ташриф хурсандчилиги деб туйгунича ичган эди. Огзидан гуп-гуп арок хиди келиб турарди. Кампир румолининг учи билан бурнини беркитганча утирибди. Ростдан хам шу одам менинг боламми? деб уйларди кампир. Кариб кетибди, сочлари тукилиб, бошининг ярми ялангочлаб копти. Куп ичадиган одамлардагина буладиган захил бир бефайзлик зохир эди унинг юзларида.
Кузларининг таги салкиган, тишлари тамакидан жигарранг тусга кирган. У отаси утган уйда, туккан онасига, жигарларига бегона булиб бепарво ётибди. Бурихон у ёнбошидан бу ёнбошига агдарилди. Шунда…. Шунда унинг устидаги ок чойшаб сиргалиб елкалари, кукси очилиб колди. Кампир баданида чаён урмалагандек сесканди. Узини оркага ташлади. Бурихоннинг буйнидаги занжир учида бут ялтирарди.  1970 йилнинг кеч кузида бир мусулмон боласи диндан чикди.
Эртаси куни кампирнинг мусофир угли яна мусофирликка отланди. Барча кариндошлар Бурихонни кузатиш учун вокзалгача боришди. Саодат ая эса углини кузатгани хатто остонага хам чикмади. У кетди. Хайхотдек ховлида кампир бир узи колди. Кампир уйга кириб тугун кутариб чикди. Ундан Бурихоннинг гудаклигида, болалигида кийган кийимларини олиб каради. Илгари кампир баъзи-баъзида бу кийимларни хидлаб йигларди. У ховли уртасига хазон туплаб гугурт чакди. Гуриллаб ёнаётган гулханга Бурихоннинг кийимларини бирма–бир ташлай бошлади. Коракуз гулхан атрофида айланарди. Коракуз Саодат аянинг вафодор ити. Хар сафар Коракуз дайдиб келгандан сунг кампир итни «Ха, коракуз мажнун» деб койирди. Кейин овкат бериб, шилинган, тилинган жойларига йод суркаб куярди. Ит мана шунинг учун хам кампирнинг ёнидан бир зум кетмасди.
Саодат ая оламдан утди. Фарзандларидан кура купрок Коракуз мунгайиб колди. Хали тонг ёришмай Коракуз кучага чикиб кетди. Кампирнинг болаларидан иккитаси Тошкентда, биттаси Чирчикда, иккитаси Кибрайда яшайди. У тонг отгандан то кун ботгунча хаммасининг уйига борди. Кампирни тополмасдан хориб чарчаб кайтиб келди.
Кампирнинг жами еттита фарзанди бор эди. Биттаси динини, иймонини сотиб узга юртда «мусофир» булиб, колиб кетди. Биттаси кампирнинг уйида колган. Колган бештаси хам уз юртида бошка-бошка шахарларда «мусофир».
Йул буйи шуларни уйлаб келдим. Куз олдимда мусофирнинг сулгин кузлари-ю, «Мусофирман»деган жавоби айланаверарди. Ён дафтаримни олиб мусофир хакида ушбуларни ёзиб куйдим. “Мусофир! Унинг юзида нур йук. Нураб колган негадир. Тугри-да, неча йиллардан бери кандайдир орзулари сабаб мусофир. У уз уйидан орзуларни деб кетди. Унинг онаси эса ортидан йиглаб колди. Орзулар эса… Орзулар эса мусофирни кафтига олмади. Аксинча, орзулар у мусофир булган куни оёклари остида йук булиб кетган.Яна хам тугрироги, орзулар унинг ортидан уша куни йиглаб кол