Мусибатнинг илк дакикаларидаги сабр

عَنْ أَنَسِ بْنِ مَالِكٍ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: الصَّبْرُ عِنْدَ الصَّدْمَةِ الأُولَى. رَوَاهُ مُسْلِمٌ وَالتِّرْمِذِيُّ وَالنَّسَائِيُّ وَابْنُ مَاجَهْ.

     Анас ибн Молик розияллоху анху Расулуллох соллаллоху алайхи ва салламдан ривоят килади: “Сабр мусибатнинг илк лахзаларида (килинади)” (Муслим, Термизий, Насоий ва Ибн Можа ривояти).
Хакикий сабр кандай булишини мана шу хадисдан билиб оламиз. Демак, банда бошига бирон юмуш тушганда илк дакикаларда сабр килиши, шошкалоклик килмаслиги, жазавага тушмаслиги хакикий сабрдир. Зеро мусибат эскирган сари банда уни унутиб юборади. Бундаги “сабр” хар кимнинг кулидан келади. Сабрга мукофот олиш, у сабабидан мартабанинг кутарилиши учун банда кийинчиликнинг аввалги боскичида, огир вазиятда сабр килиши, узини йукотиб куймаслиги лозим. Куйида ушбу хадиснинг айтилишига сабаб булган вокеъани куриб чикамиз.

وَعَنْ أَنَسِ بْنِ مَالِكٍ رَضِيَ اللهُ عَنْهُ قَالَ: مَرَّ النَّبِيُّ صَلَّى اللهُ عَلَيْهِ وَسَلَّمَ بِامْرَأَةٍ تَبْكِي عِنْدَ قَبْرٍ فَقَالَ: اتَّقِي اللهَ وَاصْبِرِي قَالَتْ: إِلَيْكَ عَنِّي فَإِنَّكَ لَمْ تُصَبْ بِمُصِيبَتِي وَلَمْ تَعْرِفْهُ فَقِيلَ لَهَا إِنَّهُ النَّبِيُّ صَلَّى اللهُ عَلَيْهِ وَسَلَّمَ فَأَتَتْ بَابَ النَّبِيِّ صَلَّى اللهُ عَلَيْهِ وَسَلَّمَ فَلَمْ تَجِدْ عِنْدَهُ بَوَّابِينَ فَقَالَتْ: لَمْ أَعْرِفْكَ فَقَالَ: إِنَّمَا الصَّبْرُ عِنْدَ الصَّدْمَةِ الأُولَى. رَوَاهُ الْبُخَارِيُّ وَمُسْلِمٌ وَأَبُو دَاوُدَ.

     Анас ибн Молик розияллоху анхудан ривоят килинади: “Набий соллаллоху алайхи ва саллам кабр олдида йиглаётган аёл олдидан утдилар ва: “Аллохга такво кил ва сабрли бул!” дедилар. У аёл: “Йулингдан колма. Сен бошимга тушган мусибатни каердан билардинг”, деди. Аёл у зотни танимади. Кейин унга у зот Набий соллаллоху алайхи ва саллам эканлари айтилганида, аёл Набий соллаллоху алайхи ва саллам эшиклари олдига бориб, у ерда коровулларни курмади. У: “Мен сизни танимабман!” деганида, Расулуллох: “Албатта сабр мусибатнинг аввалги лахзаларида (килинади)”, дедилар” (Бухорий, Муслим ва Абу Довуд ривояти).
Мусибат илк боскичда катта булади. Бу даврда сабр килиш огир. Вакт утган сари жарохат битиб, дард-ситам, айрилик азоби унутилган сари банда узини анча босиб олади. Бу даврга келиб ким сабрли, ким жиззаки ёки шошкалок эканини билиб булмайди. Шу сабаб Аллохнинг имтихонидан муваффакиятли утиш учун мусибат янгилигида сабр килиш талаб этилади.
Мазкур ривоятга кура, бир аёл вафот этган якини кабри бошида йиглаб утирганида Расулуллох соллаллоху алайхи ва саллам утиб колдилар ва унга тасалли бериб, аёлни сабр килишга чакирдилар. Сиртдан караганда мусибатга сабр килишдан кура сабрли булишга чакириш осонрок туюлади. Аёл хам шу нуктаъи назардан Расулуллох соллаллоху алайхи ва саллам сузларига эътироз билдириб, жахл устида, мусибатга учраган сен эмас, менман, сен дардимни каердан хам тушунардинг, кабилида жавоб кайтарди. Уша аёл Набий соллаллоху алайхи ва салламни танимади. Агар таниганида у зотга бу охангда гапирмасди. Аёл кейин билса тасалли берган киши Расулуллох эканлар!.. Халиги аёл у зот уйларига бориб, танимаганини айтиб узр сураган булди. Шунда Расули акрам мусибатнинг илк дакикаларида сабр килиш лозимлиги баён килдилар.

وَعَنْ أَبِي أُمَامَةَ رَضِيَ اللهُ عَنْهُ عَنْ النَّبِيِّ صَلَّى اللهُ عَلَيْهِ وَسَلَّمَ قَالَ: يَقُولُ اللهُ سُبْحَانَهُ: ابْنَ آدَمَ إِنْ صَبَرْتَ وَاحْتَسَبْتَ عِنْدَ الصَّدْمَةِ الأُولَى لَمْ أَرْضَ لَكَ ثَوَابًا دُونَ الْجَنَّةِ. رَوَاهُ ابْنُ مَاجَهْ وَسَنَدُهُ حَسَنٌ.

      Абу Умома розияллоху анху Набий соллаллоху алайхи ва салламдан ривоят килади: “Аллох таоло: “Эй Одам боласи, агар мусибатнинг илк дакикаларида сабр килсанг ва (Мендан) савоб умидида булсанг, у холда сен учун жаннатдан бошка мукофотга рози булмайман”, дейди” (Ибн Можа ривояти. Ривоят санади хасан).
Аллох таоло томонидан “банда учун жаннатдан бошка мукофотга рози булмайман” дейилиши катта гап. Бу сабрлиларга жаннат вожиб булишига далолат килади.
Сабр килиш билан жаннатга киришнинг бир нечта шартлари бор. Булар:

– мусибатнинг илк дакикаларида сабр килиш;

– сабр килгани учун Аллохдан савоб умидида булиш;

– шикоятни тарк этиш. 

وَعَنْ عَبْدِ اللهِ بْنِ مَسْعُودٍ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: مَنْ قَدَّمَ ثَلاَثَةً لَمْ يَبْلُغُوا الْحُلُمَ كَانُوا لَهُ حِصْنًا حَصِينًا مِنْ النَّارِ قَالَ أَبُو ذَرٍّ: قَدَّمْتُ اثْنَيْنِ قَالَ: وَاثْنَيْنِ فَقَالَ: أُبَيُّ بْنُ كَعْبٍ سَيِّدُ الْقُرَّاءِ: قَدَّمْتُ وَاحِدًا قَالَ: وَوَاحِدًا وَلَكِنْ إِنَّمَا ذَاكَ عِنْدَ الصَّدْمَةِ الأُولَى. رَوَاهُ التِّرْمِذِيُّ وَأَحْمَدُ وَسَنَدُهُ ضَعِيفٌ.

     Абдуллох ибн Масъуд розияллоху анху ривоят килади: “Расулуллох соллаллоху алайхи ва саллам: “Кимнинг балогатга етмаган уч нафар фарзанди вафот этса, улар уша банда учун дузахдан сакловчи калкон булади”, дедилар. Шунда Абу Зарр: “Менинг иккита фарзандим вафот этган”, деди. У зот: “Иккита булса хам”, дедилар. Корилар саййиди Убай ибн Каъб: “Менинг битта фарзандим вафот этган”, деди. Шунда Расулуллох: “Битта булса хам. Лекин бу мусибатнинг илк дакикаларида (сабр килганлар учун)”, дедилар” (Термизий ва Ахмад ривояти. Ривоят санади заиф).
Бирон сабаб билан вояга етмаган фарзанди вафот этган инсон жаннатга кириши учун хам у мусибатнинг аввалги дакикаларида сабр килиши керак. Вакт утганидан кейин килинган сабр бирон ахамият касб этмайди. Чунки бунда инсон хохласа, хохламаса сабр килишга мажбур булади. Колаверса вакт утган сари мусибат унутилиб, банда “сабрли” булиб колади.

عَنْ أَبِي سَلَمَةَ الْحِمْصِيِّ قَالَ: كَانَ يُقَالُ: الصَّبْرُ عِنْدَ الصَّدْمَةِ الأُولَى وَعِنْدَ كُلِّ بَلاَءٍ وَعِنْدَ كُلِّ لِقَاءٍ مَنْ رَضِيَ فَلَهُ الرِّضَا وَمَنْ سَخِطَ فَلَهُ السُّخْطُ. رَوَاهُ وَكِيعٌ فِي الزُّهْدِ.

     Абу Салама Химсийдан ривоят килинади: “Айтиладики, хар бир мусибат ва хар бир тукнашувнинг илк дакикаларида сабр килиш лозим. Ким рози булса, унга хам розилик булади. Ким норози булса, унга газаб килинади” (Вакиъ “Зухд”да ривоят килган). Банданинг мусибат илк дакикаларидаги холати оркали ким такдирдан рози ёки норозилиги маълум булади. Ким Аллохнинг кадаридан рози булса, мусибатга сабр килса, Аллох хам уша бандадан рози булади. Кайси банда Аллох такдиридан норози булса, газабланса, Аллох хам унга газаб килади.