КУН УЗ Узбекистон янгиликлари KUN.UZ
1. Беш сезгининг таъсири.
Тасаввур килайлик. Дунёдаги энг лазиз таомлар, узимиз севиб истеъмол киладиган егуликлар билан тула дастурхон атрофидамиз. Корин тук булса хам огзимизда сулак пайдо булади. Ошкозондаги очлик рефлекси ишлаб кетади. Гарчи бироз олдин овкатланган булсак-да, ошкозонда яна жой борлиги хакида уйлаймиз.
Кимда шундай холат пайдо булса, демак унинг психологик тарбияга эхтиёжи бор. Бундай пайтларда ички овозларга кулок солишимиз, ейиш ёки емасликнинг фойда ва зарарларини уйлаб, табиий ички иштаха билан нафс истакларининг фаркини билишимиз лозим. Уйлаб курайлик: ростдан хам шуни емасак булмайдими?!
2. Рекламалар.
Рекламадан асосий максад махсулотни харидор килишдир. Холбуки, унинг таъсирида хоргин пайтлари хам, тушкун кайфиятда шоколад ёки турли ичимликларга кул узатамиз. Чунки уларнинг яхши кайфият ва кувват беришини рекламаларда таъкидлашади. Аслида хам шундайми йукми, бунга эътибор бериб утирмаймиз ва организмга зулм килишда давом этамиз.
3. Мукофотлаш воситаси.
Болалигимизда бирон яхши иш учун байрам кунлари мукофот тарзида ширинлигу мевалар берилган булса, бу одатнинг улгайганимизда хам биз билан колиш эхтимоли бор. Кейин-кейин нимадир килсак, узимизни-узимиз, масалан, егулик билан мукофотлаймиз. Бундай янглиш тарбия, яъни рагбат сунггида хар хил жисмоний (семизлик, кандли диабет каби) касалликлар юзага келади. Шу боис фарзандларимизни бундай “мукофот”ларга ургатмаслик лозим. Бунинг урнига китоб бериш ёки бирон хушманзара жойга сайрга олиб чикиш максадга мувофикдир.
4. Стресс холати.
Айрим одамлар ташвишли кунларда ёки муаммолар ортидан юзага келган стресс холатини таркатиш максадида хам егулик ейди. Шоколад, кекс, музкаймок, торт каби ширинликларни истеъмол килганда кандайдир хузурланиш, ич-ичдан рохатланишни хис киламиз. Чунки бу егуликлар эндорфин – бахт гармонини кузгайди.
Вазни огирлар стрессларини ширинлик ейиш билан утказиб юборишга одатланишган. Холбуки, бу егулик аввалига халоват бергандай булса-да, секин-аста кандли диабет, холсизлик, бош айланиш каби нохушликларни келтириб чикаради. Натижада яна шу ширинликларга эхтиёж сезилади. Шу боис стресснинг бошка давосини топиш, балки хаётга бошкача куз, кенгрок назар билан караш, яшаш тарзимизни узгартириш купрок фойда беради. Ширинликлар эса бундай пайтда “алдамчи нажоткор” булади, холос.
5. Ута хоргинлик.
Куп ейишнинг сабабларидан бири хоргинликдир. Тунги алламахалда егулик еганлар бекорга энергия тиклашга харакат килади. Хаддан ташкари куп ишлаганлар, тунда ишловчилар хоргинлиги боис ортикча ейишади. Чунки бу кондаги шакарни вактинча кутариб, хоргинликни бироз бартараф этади. Аслида вактида дам олиш хоргинликни кетказишнинг энг яхши воситасидир. Коринни тулдириб олиш эса ишларни уйкусираб, чала ва хато бажаришга олиб келади.
6. Ёлгизлик хисси.
Баъзан инсон узини ёлгиз хис килганида хам еб-ичишга тутинади. Уринли-уринсиз овкатланиб, семириб кетади ва хасталаниб колади. Бу хол уни одамлардан янада узоклаштиради.
7. Одатланиш.
Семиз кишиларнинг аксарияти овкатланишни одатга айлантирган булади. Улар одатига кура эхтиёжидан купрок ейди. Телевизор каршисида, йулда кетаётиб, хатто ётиш олдидан огир хазм буладиган овкатларни истеъмол килишнинг нотугри эканини билса-да, тарки одат амри махолдир. Натижа эса узингизга маълум.
8. Вакт етишмаслиги.
Бу тезкор замонда хатоларимиздан яна бири – овкатланишга жуда кам вакт ажратишимиздир. Куп холларда овкатни чайнаб-чайнамай ютаверамиз. Ишимиз куплигини уйлаб, вактдан ютишга уринамиз. Холбуки, овкатни сокин холда, Яратганнинг берганига шукрона айтиб, шошилмасдан ейиш лозим.
9. Дорилар.
Психологик хасталикларни даволашда кулланиладиган невролиптик дориларнинг фойдали жихатлари куп, аммо вазн йукотиш каби салбий томонлари хам бор. Бундай холларда илк 10 хафтада 4 килограммгача озиш мумкин. Кандли диабет, кон босими касалликларини даволашда ишлатиладиган дори-дармонлар эса иштахани очиб, куп овкат ейишга ундайди. Бундай холларда одам узини тийиши, куп ейиш билан дарди аримаслигини ёдда тутиши лозим.
