КУН УЗ Узбекистон янгиликлари KUN.UZ
Абу Мансур ал Мотуридийнинг йирик асари “Китоб ат-тавхид”илк бор рус тилига таржима килинди. Бунда Татаристон Республикаси Мусулмонлар диний бошкармаси ва “Хузур” нашриёт уйининг хизмати катта булди. Бу хакда Татаристон Республикаси Мусулмонлар диний бошкармаси раиси, муфтий Камил хазрат Самигуллин утказган матбуот анжуманида хабар берилди.
“Китоб ат-тавхид” – Ханафия мазхабидаги ислом динида тавхид масаласидаги энг йирик асарлардан биридир. Асарни Козон шахри козиси ва Козон ислом университети ислом хукуки кафедраси мудири Габдулла хазрат Адыгамов араб тилидан таржима килди. Таржима устида уч йил давомида ишланди.
Абу Мансур Мотурудийнинг шахсияти барчага маълум. Ушбу буюк мусулмон олими суннийлик йуналишидаги ханафия мазхабида тан олинган ислом таълимотлари буйича мотурудия мактабининг асосчисидир. У узининг 500 сахифалик “Китоб ат-тавхид” асарида ислом динининг суннийлик йуналиши таълимотлари асосларини ёритган. Шу билан бирга, адашган окимларни каттик танкид килган. Китоб имом Абу Ханифанинг фикх ва акидасига асосланган.
“Хузур” нашриёт уйи мудири Ришат Хамидулиннинг айтишича, асар дастлаб 300 ададда чоп этилган. Лекин бу камлик килгани сабаб яна 1000 нусхада чоп этишга карор килинган.
