Кашкадарёлик йигит узига турмуш чикишга кунмаган кизни пичоклади

Шахрисабзлик йигит турмушга чикиш таклифини рад этган киздан уч олди. Туябугиз дам олиш масканида туппончадан икки бор ук узилди. Андижонда турт кишини улдирган йигит умрбод камок жазосига хукм килинди.

_____________________________________________________________

Шахрисабзлик ошик йигит совчисини кайтарган киздан уч олди

Кашкадарё вилояти Шахрисабз туманида яшовчи 31 ёшли йигит узок кариндоши булган кизга кунгил куяди ва уникига совчи юборади (“Хукук”, 2 август). Йигитнинг онаси кизникига нон ва ширинликлар олиб келади, аммо рад жавобини эшитади. Бундан жахли чиккан ошик йигит дастлаб киздан онаси олиб борган нон ва ширинликларни кайтаришни талаб килади. Киз майда-чуйдани кайтариб беради. Йигит эса кизга: “Бошкага турмушга чиксанг, улдираман!” дея тахдид килади. Кейинрок йигит ишдан кайтаётган кизни йулда калтаклаб, пичоклайди. Кашкадарё вилоят прокуратураси катта терговчиси Умид Жахонгировга кура, исми ошкор этилмаган йигит 11 йилга озодликдан махрум этилган. Кизнинг хаёти эса саклаб колинган.

Тошкент денгизида 26 яшар йигит икки кишини туппончадан отиб жарохатлади

Туябугиз сум омбори, яъни Тошкент денгизи дам олиш масканида туппончадан ук отилди (“XXI аср”, 2 август). Сурхондарё вилояти Сариосиё туманида яшовчи 26 яшар йигит автотураргох ишчилари билан жанжаллашиб колган ва шахсий пневматик туппончасидан ук отиб, икки кишини жарохатлаган. Сунг вокеа жойидан кочиб кетган. Газетага кура, жарак-жарак фойда олаётган дам олиш маскани маъмурияти одамлар хавфсизлиги учун хам керакли чораларни куриши лозим.

Кайд этилишича, Тошкент денгизи дам олиш масканида нафакат хавфсизликни таъминлаш, сифатли хизмат курсатиш борасида хам муаммолар талайгина. “Сохил буйида ит эгасини танимайди… Бир тарафда янток усган, уртада алмисокдан колган аттракцион йикилай-йикилай деб турибди, ярим-ялангоч семиз киши йиртик материаллар тутилган ювиниш хонасида чайинмокда. Оёк остида писта пучок, музкаймок когозлари, чала ёнган утинлар”, деб ёзади газета. Юзлаб одам чумилаётган сунъий кул суви хам ифлосланиб, бутана булиб кетган.

Хотини ва углини улдирган йигит умрбод камок жазосига хукм килинди

Андижон вилояти Булокбоши туманида яшовчи, хали 30 га кирмаган Азизбек Абдукаюмов турт инсонни улдиришда айбдор деб топилиб, умрбод камок жазосига хукм этилди. Бу хакда жиноят ишлари буйича Андижон вилоят суди раиси А.Тураев “Даракчи” нашри оркали маълум килади. Киракашлик ортидан кун курган А.Абдукаюмов Хужаобод туманида турмушидан ажраб бир кизи билан яшаётган Феруза исмли аёл билан шаръий никох асосида оила курган. Жуфтлик угил фарзанд кургач, уларнинг муносабати совуклашган. Оилавий жанжалларнинг бирида жахл отига минган А.Абдукаюмов дастлаб Ферузани бугизлаган, кейин вокеага гувох булиб колган кайинсинглиси Наргизани, кейин хотинининг биринчи турмушидан тугилган кизи Гулчиройни ва нихоят бешикда ётган угли Мухаммадалини улдирган. Сунг жасадларни бир хонага туплаб, ёкиб юборган. Очик суд мажлисида котилликда айбланган А.Абдукаюмов газаб устида нима килганини англолмагани ва килмишидан афсусда эканини билдирган.