КУН УЗ Узбекистон янгиликлари KUN.UZ
Бу гарбона маросим хакида купчилик маълумотга эга эмас. Аммо шундай булишига карамай, орамизда узини “ута замонавий”, даврнинг энг сунгги модалари ва анъаналари билан хамкадам деб хисоблайдиган айрим калтабин шахслар хам бор. Хатто Хеллоуинни байрам килишга хам вакт топмокдалар. “Ха, энди хурсандчилик, байрам килса, килибди-да”, дерсиз. Аммо шошилиб хулоса чикарманг. Сабаби, эртага фарзандингиз “Хеллоуинга никоб олиб беринг”, “ковок топиб беринг” дея хархаша килса ёки юз-кузини куркинчли тасвирларга тулдирса, кунглингизда айтарга гапингиз, кайтарарга далилингиз булсин! Келинг, аввало Хеллоуиннинг тарихи, мазмун-мохияти ва маънавиятга салбий таъсири хакида гаплашамиз.
бу инглиз тилидаги “All Hallows Even”, яъни “Барча рухлар кечаси” иборасининг кискарган шаклидир.
Баъзи манбаларда, Хеллоуин аёз, зулмат, кабохат ва улим (ёки мурдалар) “худоси” булган Самайн номи билан боглик маросим, деб ёзилади. Уни дастлаб хозирги Буюк Британия ва Шимолий Ирландия худудидаги халклар нишонлашган. Совук кунлар арафасида 31 октябрдан 1 ноябрга утар кечаси барча чироклар, шамлар, фонуслар, олов ва учоклар учирилган. Коронгу зулмат ичра одамлар улим фариштасига хамду санолар укишган. Биз сен билан, биз хам сенингдекмиз, бизнинг жонимизни олма, кабилида унга лаганбардорлик килишган. Эртаси куни катта гулхан ёкиб, юзларига турли никоблар кийиб бир-бирларини куркитишган ва ораларидан кимнидир улим “худоси”га курбон килишган.
Бошка манбада келтирилишича, VII асрда Рим папаси Бонифаций 1 ноябрни “All Hallows Even”, яъни “Барча рухлар кечаси” деб эълон килган. Бугунги 31 октябрь куни нишонланадиган Хэллоуин байрами шундан келиб чикканлиги хакида фаразлар мавжуд.
Махлуклар куринишидаги куркинчли либослару ёвузликлар акс этган никобларда кун буйи кучада оломон булиб юриш, шовкин-сурон кутариш, тунги клубларга бориб кунгиллари истаган ишни килиш хамда бу оркали рухий хузур олиш менталитетимизнинг кай бир жихатига мос келади?! Колаверса, Хеллоуин куни зулм утказиш, ёвузлик, инсониятга хос булмаган жихатлар таргиб килинади. Бу ёшлар онгига таъсир килишнинг Хэллоуин бахонасидаги байрамона куриниши, холос. Бундан ташкари, Хеллоуин куни куплаб конун бузилиш холатлари, турли жиноятлар, тартибсизликлар юзага келар экан.
Диккатингизни Хеллоуин билан боглик вокеаларга каратамиз.
АКШлик “Хеллоуин котили” номини олган Жеральд Тёрнер 1973 йили Медисонда байрам куни кучага чиккан 9 ёшли Лис Энн Френч исмли кизчанинг номусига тегади. Натижада кизалок вафот этади.
15 ёшли Марта Моксли хам Хэллоуиннинг курбони. У 1975 йилги байрамни дустлари билан утказгани кучага чикади ва “хазилнинг тагил зил” булиб, гольф таёкчаси зарбидан хаётдан куз юмади.
1990 йили байрамдан сунг 17 ёшли Браян Джевелл хамда 15 ёшли Уильям Однинг жасади узлари ясаган дорда осилган холда топилади.
Байрам бахона куркинчли никоблар таккан талончилар гурухи бир хонадонга бостириб киради ва уй эгасини улдириб, уйни умаришади. Гурухга бошчилик килган 17 ёшли Марселино Пина шу жиноят учун 45 йилга озодликдан махрум этилади.
Бу минг бир фожеадан айримлари, холос. Аммо мазкур маълумотларнинг узиёк Хеллоуиннинг асл башараси кандай эканини курсатиб турибди.
Хеллоуиннинг асосий ранги кора ва оловранг булиб, кора ранг улим ва зулматни ифодалайди. Оловранг эса важохатни англатади. “Уликлар байрами” деб аталиши эса Хэллоуиннинг дахшатлар гирдоби эканлигини билдиради. Куркинчли маросимда иштирок этган ёшнинг рухий олами бир кундаёк бузилади, табиати ва онги бевосита сатанизм (шайтон васвасасига учиш, талваса. – мухаррир) таъсирига тушиб колади. Гарб мамлакатларида 31 октябрдан сунг болалар орасида невроз, турли рухий эврилишлар, ноодатий агрессия, тунги куркув каби холатлар ортиб кетар экан. “Шайтонлар каранавали”да иштирок этган болалар у ерда бир-биридан дахшатли никоблар билан тукнаш келади, улим, дузах, иблис, одам бош чаноги, суяклар, кон, тобут хакидаги сахналарни томоша килишади. Окибатда айрим болалардаги каттик куркув, огир хасталиклар, хатто суицид, яъни уз жонига касд килишга хам сабабчи булар экан. Фанда кайд этилган Самайнофобия номли куркув тури айнан “Хэллоуиндан куркиш” дейилади. Бундан азият чекаётган айрим гарб мамлакатлари Хеллоуинни таълим муассасаларида нишонлашни мутлако таъкиклаб куйишмокда.
Куриниб турибдики, Европадаги куплаб давлатларда хар йили сабрсизлик билан кутиладиган ушбу дахшатли маросим хар жихатдан бизнинг миллатимизга, карашларимизга умуман тугри келмайди. Колаверса, Хэллоуинни нишонлаш йиллар давомида узгариб, бугун умуман бошкача куриниш ва шаклга эга булган. Аникроги, юкорида айтганимиз – хориждаги айрим мафкуравий марказлар Хеллоуиндан уз муддаолари йулида фойдаланишаяпти.
Маълумотларга кура, дунё буйича катта даромад келтирувчи байрамлар каторида Хеллоуин Роджестводан кейин иккинчи уринда туради. Масалан, биргина АКШда айнан мазкур дахшатли тадбир сабаб ота-оналар болалари учун турли никоб ва либослар харидига умумий хисобда 2,5 миллиард доллар (!) сарфлар экан. Куриниб турибдики, хеллоуинлаштириш айрим марказлар учун чунтак каппайтиришнинг яна бир самарали услуби, аслида.
Айтилганларнинг барчаси, Хеллоуин хакидаги хакикатлар эди. Максадимиз, турли байрамлар, жамиятимизга ёт маросимлар никобида кириб келаётган бемаъни унсурлар, ажнабий анъаналару бидъатлардан бохабар килиш эди.
Хар кандай ёвузлик, ахлоксизлик, инсониятга ёт иллатлар жамиятни халокат томон етаклайди. Касалликнинг олдини олиш учун, аввало, одам танасида унга “иммунитет”, яъни “карши курашувчанлик” хосил килинади. Бунинг учун фарзандларимизни она Ватанга мухаббат, динимиз ва миллий урф-одатларимизга содиклик рухида тарбиялаш керак. Ана шунда ёвуз ниятли кимсаларнинг инсон учун ута зарарли булган пуч гояларидан жамиятимиз эртаси булмиш ёшларимизни асраган буламиз.
