Хасад ути

Узингда хасад туйгуси борми ёки йук эканини билиш учун биродарингнинг бир фазилатини эсла. Бу фазилат унга гойибдан ато этилган неъмат. Мана шу неъмат билан у мен билан сендан афзал. Энди хакки рост айт: бу неъматга муносабатинг кандай? Шу неъмат сабаб дустингни ёктирмай колмаяпсанми, унинг заволини хохламаяпсанми? Агар мана шу холатни хис килсанг, бу аник хасаддир. Демак, хасаднинг чегараси – бировдаги неъматни узида булмагани учун ёктирмаслик ва неъматланган кишининг уша неъматдан махрум булишини хохлаш. Куйидаги оят бунга мисолдир: “Ахли китобларнинг купчилиги уз хасадлари билан сизларни имонли булганингиздан кейин яна куфрга кайтаришни хохлайди” (Бакара сураси, 109-оят). Аллох таоло мазкур оятда ахли китоб имон неъматининг заволини хохлашларини хасад деб хабар беряпти.
Агар биродарингга ато этилган неъматни куриб, кузларинг кувонса, унинг давомли булишини истаган холда, бу неъматнинг узингга хам берилишини хохласанг, бу энди хасад эмас, хавасдир. Купчилик бу иккисини аралаштириб юборади. Кимгадир хавас килар экансан, унга ухшашни, ундаги афзалликларни узингда хосил булишини истаб коласан. Бунда сен хавас килаётган кишига бирон зиён етказишни хаёлингга хам келтирмайсан. Бу соф хавасдир.
Пайгамбаримиз соллаллоху алайхи ва саллам хасад ва хавасни имон ва нифок билан чегаралаганлар: “Албатта, мумин хавас килади, мунофик эса хасад” (Ибн Абу Дунё ривоят килган). Хасаднинг харомлигига шубха йук. Аммо кофир ёки фожир кулидаги неъматнинг заволини хохлаш бундан мустасно. Негаки, фожир узига берилган неъматни ёмонлик йулида ишлатиб, одамлар орасига фитна солади, купчиликка озор етказиш пайида булади. Шундай экан, кимдир унга берилган неъматнинг заволини хохласа, бу билан неъматни эмас, бузгунчиликка восита булаётган нарсани ёктирмаётган булади.