Главная / Иктисодиёт / GM Uzbekistan нинг “кушиб ëзишдан” бош тортган юкори лавозимли амалдори прокуратурада сурок килинди

GM Uzbekistan нинг “кушиб ëзишдан” бош тортган юкори лавозимли амалдори прокуратурада сурок килинди

GM Uzbekistan ширкати мувофиклаштириш ва режалаштириш дирекцияси директори булиб ишлаган 40 яшар Алишер Комилов 28 август куни Узбекистон Бош прокуратурасида сурок килинди ва тилхат билан уйига куйиб юборилди.

c5410845-6796-42e4-9477-aba74ae43667_w1023_r1_s

“Узавтосаноат” акциядорлик компанияси бошкарувига якин мулозимга кура¸ Алишер Комилов “кузбуямачилик килишга рози булмагани учун исталмаган шахсга айланган”.

Озодлик мавзу юзасидан изох олиш учун Узбекистон Бош прокуратураси¸ GM Uzbekistan ва “Узавтосаноат” рахбарияти билан богланишга уринди. Узбекистонда байрам куни булгани боис, бу идоралардан изох олишнинг иложи булмади.

“Узавтосаноат” акциядорлик компанияси бошкарувига якин мулозимнинг айтишича, Комиловнинг хизмат кабинетида прокуратура терговчилари 28 авустда тинтув утказган. Комилов автомашиналарни навбатсиз расмийлаштириб сотганликда гумон килинган.

Озодлик мухбири Комилов хакида уни якиндан танийдиган хамкасбларидан суриштириб курганида, унинг чет-элда укиб келиб, 10 йилдан бери автосаноат системасида ишлаб келганини, узида бир дона Ласетти русумли мошинаси борлигини аниклади. Хамкасбларидан бири уни “акилли ва ойликдан ойликка яшайдиган тоза йигит”, деб атади.

Озодлик сухбатлашган “Узавтосаноат” акциядорлик компанияси бошкарувига якин мулозимга кура¸ Алишер Комилов ширкат тарафидан автосалонларга юборилаëтган (контрактация) GM автомобилари сонини аник курсатгани ва кушиб ëзишдан бош тортгани учун жазоланган:

– Алишер хизмат вазифаси доирасида ширкат сайтига маълумот куйиб хам турар эди. Уни автопромга чакириб салонлардаги автомобиллар хакида маълумотларни ширкат сайтига куйишни сурашган. Комилов реал ракамлардан иборат маълумотни куйган. Рахбарият эса, унга нега бу ракамларни куйдинг¸ нега купайтирмадинг деб дагдага килган.

Озодликнинг вазиятдан хабардор бошка бир сухбатдоши – GM Uzbekiston ширкати бошкарувига якин ходимнинг айтишича¸ “Комиловни кушиб ëзишдан расман бош тортгани учун оператив ходимлар томонидан уларнинг мошинасида олиб кетилган ва прокуратура эшиги олдида унга кишан солинган. Шундан сунг корхонанинг яна уч ходими хам олиб кетилган. Улар орасида машиналар тан нархини пасайтириш булими бошлиги Рустам Бекжонов хам булган.

– Рустам ака Комилов кабинетини тинтув килган прокуратура ходимларига ордерила борми, деб сурагани учун “Сан акиллимисан” деб уни хам олиб кетишган. Уни кечаси 12 да куйиб юборишди. Алишер Комилов курок сурок килинди. Кабинетида тинтув утказилиб мухрлаб куйилди. Хозир унинг устидан очилган жиноят иши нихоясига етмаган булса хам¸ уни тезда ишдан бушатиб урнига янги одамни хам тайинлаб куйишди.

Озодлик тасарруфида мавжуд хужжатда 29 август куни Алишер Комилов ишдан бушатилиб¸ урнига Баходиржон Рахмонов тайинлангани айтилган.

“Узавтосаноат” акциядорлик компанияси бошкарувига якин мулозимга кура¸ Алишер Комилов “Кузбуямачиликка рози булмагани учун исталмаган шахга айланган”.

Озодлик мухбири¸ устидан жиноий иш очилиб шахарни тарк этмаслик шарти билан уйида колаëтган Алишер Комиловнинг узи билан хам гаплашди. Комилов тергов остида булгани учун вазиятни изохламаслигини билдирди.

GM Uzbekistan ширкатининг “кушиб ëзиш” механизми

Бир мулозимнинг ишдан кетишига сабаб булган GM Uzbekiston ширкати “кушиб ëзиш” тизимини айни ширкат бошкарувига якин мулозим Озодликка тушунтириб берди:

– Каранг, конвейердан чикаëтган машиналарнинг аник сони бор ва автосалонларда таркатилаëтган машиналарнинг сони бор. Бу икки ракам бир-бири билан боглик. “Узавтосаноат” ахоли орасидаги эътирозларга бархам бериш ва юкори рахбариятга яхши куриниш учун автосалонларга ажратилган машиналарни купайтириб курсатади когозда. Аслида, бу сондаги машина салонда йук.

Мулозимга кура¸ мувофиклаштириш ва режалаштириш дирекциясининг собик рахбари Алишер Комилов реал ракмларни GM Uzbekistan сайтида эълон килиб куйиб, бу “схема”ни фош килган:

– Албатта, автомобилларнинг реал сони сайтдан олиб ташланиб хозир бурттирилган ракамлар куйилди. Ширкатда кузбуямачилик яна эски узанига кайтди.

Автомобиль ишлаб чикариш 10 марта купаядими?

Куни кеча GM Uzbekistan АЖ томонидан ишлаб чикарилган автомобиллар савдоси кайта бошлангани ва харидорлар томонидан келиб тушаётган мурожаатларни инобатга олган холда, талаб юкори булган автомобиллар моделларини ишлаб чикариш хажмларини оширишнинг тез мослашувчан механизмини жорий килиш тугрисида карор кабул килинди. Бу хакда GM Uzbekistanнинг расмий сайтида хабар килинди.

Бу карорга кура¸ Nexia ва Malibu ишлаб чикариш карийб 10 баробарга ошади.

Озодлик сухбатлашган “Узавтосаноат” акциядорлик компанияси бошкарувига якин мулозимнинг айтишича¸ “кузов зарб килинадиган сандоннинг ишлаб чикариш куввати бу машиналарнинг тез орада 10 марта купайишини таъминлай олмайди”, деди.

Сухбатдошга кура¸ GM Uzbekistan сайтидаги бу “маълумот реалликдан узок булган ва юкорига яхши куриниш учун уйдирилган ширин ëлгондан бошка нарса эмас”.

Озодлик GM Uzbekistan ширкатдидаги вазият буйича уз суриштирувини давом эттиради.

Яна маълумот

Rj1axTqfRwTjCISEOyi1jmaKQK8ga0NG

Captiva 5 нархи неч сум эълон

«Сaptiva 5» 221 млн 691 минг сумдан 309 млн 900 минг сумгача нархда сотувга чикарилади. …