“GM Uzbekistan” автомобиллари нархини 1 августдан оширмайдиган булди

“Узавтосаноат” компанияси расмий сайтида эълон килинган баёнотга кура 1 августдан GM Uzbekistan автомобилларига нархлар оширилмайди.

Компания расмий сайтида 1 август куни куйидаги эълон пайдо булди:

Фукаролар диккатига!

«GM Uzbekistan» АЖ автомобиллари нархи узгаргани йук. 30 июль куни Халкаро пресс-клубда мухокама килинган автомобиль нархлари масаласи хозирда мутассади ташкилотлар ва мутахассислар билан хамкорликда хар томонлама, нарх ошишининг ижобий ва салбий томонларини инобатга олган холда урганиб чикилмокда.

Ижтимоий тармокларда автомобиль нархлари буйича таркалган маълумотлар ва автомобиллар нархи буйича прайс-лист ишончли эмаслигини билдирамиз.

“Узавтосаноат” АЖ ахборот хизмати

Озодлик 30 июль куни 1 августдан Узбекистонда GM Uzbekistan машиналари нархи уртача 14 фоизга оширилиши тугрисида kun.uz га таяниб хабар килган эди. Бу нашр эса, “Узавтосаноат” бошкаруви раиси Шавкат Умурзоковга таяниб, kun.uz маълумот берган.

Олдинрок Озодлик “Халк сузи”га таяниб, GM Uzbekistan ширкати Узбекистон бозори учун ишлаб чикарган автомобиллар нархи 10-12 фоизга ошираётгани хакда хабар килган эди.

“Хозирча аник микдор маълум эмас. Лекин нархлардаги узгариш 10-12 фоизни ташкил килиши кутилмокда”, деган эди манба.

Эслатиб утамиз, бундан бир кун олдин компаниянинг Россия бозори учун чикариладиган Ravon бренди автомобилларининг учтасида нархлар оширилганди.

“GM-Узбекистон” кушма корхонаси йилига 150 мингдан зиёд автомобиль ишлаб чикаради.

Узбекистонда ишлаб чикарилган бу автомобилларнинг 40 фоизи МДХ давлатларига экспорт килинади.

Узбек автомобилининг асосий импортчиларидан бири Россиядир.