КУН УЗ Узбекистон янгиликлари KUN.UZ
Бугунги кундаги аксарият диний – экстремистик ва террорчи ташкилотларнинг асосий белгиларидан бири бу такфир, жиход оркали халифалик тузуми остидаги давлат барпо этишни максад килишларидир. Жумладан, “Хизбут – тахрир”, “Ал – Коида”, ИШИД (Ирок ва Шом ислом давлати) ва бошка шу каби ташкилотларнинг асосий гаразларидан бири халифалик хисобланади. Бирок, максад воситани оклайди кабилидаги тамойил билан “халифалик” барпо этиш йулида мусулмонларни куфрда айблаб, уларни улдириш Ислом акидасига зиддир.
Улар уз гояларини тасдиклаш учун Куръони каримнинг баъзи оятларини зохиран талкин килишлари, шунингдек, айрим хадисларни уз манфаатлари йулида куллашлари мазкур гурухларнинг янада адашиб кетишига сабаб булмокда.
Ислом шунчалар багрикенг динки, нафакат мусулмонлар хукукини балки бошка дин ва миллат вакилларини хам тинчлик ва сулхда, хатто урушдан сунг асир тушганларнинг хам обруси, моли ва жонини химоя килади. Зеро, Аллох таоло: “Сизлар ахли китоблар билан факат чиройли услубда мунозара килингиз” (“Анкабут” сураси, 46) оятида айнан шунга буюрган.
Абдуррохман ибн Аби Лайло (р.а.)дан ривоят килинади: “Сахл ибн Хунайф ва Кайс ибн Саъд Кодисияда утирганларида, ёнларидан тобут олиб утилди. Уларга: “бу шу ерлик, яъни ахли зиммаку?!”, дейилди. Улар: “Набий (с.а.в.) ёнларидан улик олиб кетилаётганда, уларга бу яхудийку?!”, деб айтилганда, улар: “Ахир у инсон эмасми?!”, деб айтган эдилар”, дейишди” (“Сахихи Имом Бухорий”, 1312).
Эътибор беринг, хадисда биргина бошка эътикодда вафот этган шахснинг обруси канчалик булиши кераклигини Пайгамбаримизнинг узлари ибрат килиб курсатиб кетганлар. Хозирги мутаассиб шахсларда бундай юксак хулкдан асорат хам йук.
Навбатдаги хадисда христианлик, румликлар, яъни европаликларнинг тавсифи макталган. Ал -Муставрид ал – Куроший (р.а.)дан ривоят килинади: “Улар (румликлар, христианлар) фитнада босик, мусибатга бардошли, мискин ва факирларга энг яхши (муносабатда)дир”, деб айтдилар (“Сахихи Имом Муслим”, 7462).
Бугун динда гулув кетганлар Пайгамбаримиз каби бошка дин вакилларини мактаб, мард була оладиларми? Йук, чунки уларнинг калбларидан мусулмон кишида булиши лозим булган рахмат, мехр-шафкат олиб куйилган.
Халифаликни тиклаш гояси билан чикувчи гурухлар нафакат бошка дин вакилларига балки бу йулда мусулмонларга хам шафкат килмаяптилар. Ирок ва Шом диёрларида юз бераётган вокеалар, борган сари авжига чикмокда, фитнанинг аломатлари хам шундай булади.
Абу Хурайра (р.а.)дан ривоят килинади: Расулуллох (с.а.в.): “Фитналар булади, (уша пайтда) утирган тургандан афзал, турган юргандан афзал, юрган югургандан афзал. Кимда ким унга якинлашса, у (фитна) уни тортиб кетади, кимда ким бошпана топса, ундан кутулиб колади”, дедилар (“Сахихи Имом Бухорий”, 7081).
ИШИД эълон килган сохта халифалик эса, ботил гоялари билан залолатга кетиши аник. Бу каби фиркалар Хузайфа ибн Ямон (р.а.)дан ривоят килинадиган куйидаги хадисни уз гаразлари йулида куп ишлатадилар. Расулулуллох (с.а.в.): “Сизлар пайгамбарликда (яшаяпсизлар), у Аллох истаганича булади, кейин У уни олиб куяди. Кейин пайгамбарлик йулидаги халифалик булади, у Аллох истаганича булади, кейин У уни олиб куяди. Кейин адолатсиз подшохлик булади, у Аллох истаганича булади, кейин У уни олиб куяди. Кейин золим хукмронлик булади, у Аллох истаганича булади, кейин У уни олиб куяди. Кейин яна пайгамбарлик йулидаги халифалик булади”, деб сукут сакладилар (“Муснади Имом Ахмад”, 18046; “Муснади Аби ат – Тоялисий”, 439).
Юкорида келтирилган хадиснинг сахихлиги борасида купчилик олимлар шубха билдиришган. Хадиснинг ровийлари силсиласидаги Хабиб ибн Салим ишончсиз шахс деб топилган. Имом Бухорий бу ровий шахсияти хакида кескин фикрлардан кочиб, унга ишора килган холда, ёлгон хадис тукишнинг окибати жаханнам экани тугрисидаги хадисларни эслатиб утган (“Ат – Тарих ал – Кабир”, Имом ал – Бухорий, 2/318).
Мазкур хадисдаги “пайгамбарлик йулидаги халифалик” деган кисмини ИШИД аъзолари узларига нисбатан куллаб, “уша халифалик дея биз назарда тутилганмиз” деб жохилона фикр юритмокдалар, шунинг узи уларнинг жуда каттик адашаётганига далолат килади. Хадисларда башорати келган адолатли халифалик бу Пайгамбаримиз авлодидан булган Махдийга хосдир. Бирок, сунгги пайтда ИШИД етакчилари акидавий масалага оид Махдий хакидаги хадисларни инкор килишга утгани бежиз эмас. Чунки улар мазкур мавзудаги хадисларни тасдиклашса, уз – узидан гурухнинг гоялари, “халифаси” ва “давлати” сохталиги маълум булиб колади.
Ахлус – сунна вал – жамоа эътикодига биноан охир замонда Мухаммад (с.а.в.)нинг набиралари Хасан ибн Али (р.а.) наслидан буладиган одил, сахий рахбар Махдий чикиши, асли мадиналик булиб, Маккага кучиб утиши, унинг куриниши ухшамаса – да, хулки ухшаши, унинг исми пайгамбаримизга адаш экани, яъни Мухаммад ибн Абдуллох булиши, у Исо (а.с.) билан иттифокда Дажжолга карши курашиб, уни енгиши хакида ишонарли хадислар ривоят килинган. Демак, Пайгамбаримизнинг “Умматимда халифалик 30 йилдир. Ундан кейин подшохликлар (булади)” деган хадисларидан маълум буладики, то Махдий чикмагунича хеч кандай халифалик хакида гап-суз булиши мумкин эмас.
Юкорида зикр этилган Хузайфа ибн Ямон (р.а.)дан ривоят килинган хадис гарчи ишонарли булган такдирда хам унинг мазмунида мусулмонлар зиммасига халифалик тузиш ёки уни тиклаш бурчини юкламайди. Балки нима булса хам бу Аллохнинг такдири эканини англатади холос. Чунки мусулмонларга халифа булмаса, сайланмаса, усиз яшаманглар деган курсатма йук. Абу Идрис ал -Хавалоний Хузайфа ибн ал – Ямон (р.а.)дан ривоят килинади: Расулуллох (с.а.в.): “Мусулмонлар жамоасидан айрилмагин, уларнинг имомларига эргашгин!”, дедилар. Мен: “Башарти, уша замонда на мусулмонлар жамоаси на имомлари булмаса – чи?”, дедим. Расулуллох (с.а.в.): “Гарчи дарахт томирини кемириб кун куришингга тугри келса хам сени сабр килишга даъват килувчи Аллохни калбингга махкам тугиб олгин – да, ула – улгунингча уша замон фитначиларидан йирок булгин!”, деб айтдилар (“Сахихи Имом Бухорий”, 7084).
“Халифаликни курамиз, тиклаймиз” дея бонг ураётган котил тудаларга бу вазифа юклатилмаган, юклатилмайди хам. Айникса, ИШИД аъзолари булган террорчиларнинг “Шомни оламиз, Мовароуннахрни оламиз, Харамайн (Мадина ва Макка)ни оламиз” деб кутураётганлари аянчли холат. Аллохни уйи Каъбани босиб олиш, уруш харом килинган мукаддас Макка ва Мадина шахарларига, мусулмонларга карши курол кутаришни орзу килишнинг узи хам катта гунохдир.
Колаверса, Шом диёрида фитна килишдан узок булиш лозим. Чунки Пайгамбаримизнинг узлари “Аллохумма борик лана фи Шамина” (“Аллохим, Шомимизга барака бергин!”) деб дуо килганлар. Шунингдек, Муовия ибн Курро (р.а.) отасидан килган ривоятда: Расулуллох (с.а.в): “Ахли Шом фасод килсалар, сизда яхшилик колмас”, деб айтдилар (“Сунани Имом Термизий”, 2351).
Ирок ва Сурияга бориб, у ерда махаллий халкни фитналар домига тортган холда, баракани кутарилишига, ахолини мажбурий равишда мусулмон биродарини улдиришига, фасод ва гунохга чорлаётганлар кузларини каттарок очишлари керак.
“Мовароуннахрни, Узбекистонни фатх киламиз” деб куркитмокчи булганлар хам тилларини тийиб олсалар, узлари учун яхширок булади. Абу Хурайра (р.а.) дан ривоят килинади: Расулуллох (с.а.в.): “Сайхон, Жайхон, Фурот ва Нил барчаси жаннат дарёларидандир” дедилар (“Сахихи Имом Муслим”, 7340). Мазкур хадисдан яккол куриниб турибдики, Сайхон ва Жайхон дарёлари бу Пайгамбаримиз даврида хозирги Сирдарё ва Амударёнинг номланишидир. Демак, бу икки дарё оралиги, яъни Мовароуннахр минтакаси Ислом маданиятига кушган улкан хиссасининг эътирофи ва бу диёрга карши адоват кузи билан карашдан эхтиёт булиш кераклигини билдиради. Уз ватани кадрини билмаганлар узга юрт кадрини билармиди?! Энди хали хам “хижрат” килиш ниятида булганлар каердан, нимага кетаётганларини англасинлар.
Агар Якин Шарк минтакасидаги ижтимоий – сиёсий вазият шу тарзда кетаверса, ИШИД ёки шу каби гурухлар узининг разил максадларидан кайтишмаса, мазкур минтакаларда зулмларини тухтатмасалар, албатта улар хорликдан бошкасига эришмайдилар. Чунки тарихда жуда куп бу каби конхур гурухлар булган, лекин бирортаси бу кадар сурбетликка бормаган эди. Аллохнинг уйи Каъбага хужум килишдан огиррок жиноят йук. Хатто бу хакида куйидаги сахих хадислар хам борки, улардан огох булиш зарур.
Убайдуллох ибн ал – Кибтийядан ривоят килинади: Ал – Хорис ибн Абу Рабиъа, Абдуллох ибн Софван ва мен муъминлар онаси Умму Салама (р.а.)нинг хузурига келиб, ундан ер ютиб кетадиган кушин хакида савол бериб, бу ибн Зубайр (р.а.) даврида булганми деб сурадик. У: “Расулуллох (с.а.в): “(Бир киши) Байтдан бошпана топади. Унинг ортидан кушин юборилади. Улар бир даштга келганида уларни ер ютади”, деб айтдилар”, Кейин мен: “Эй, Расулуллох, мажбур булганга нима булади?”, деб сурадим. У зот: “Улар билан бирга юттирилади, аммо, Киёмат куни ниятига караб тирилтирилади”, деб айтдилар”, деди (“Сахихи Имом Муслим”, 7421, 7422).
Мазкур хадисда ровийлар бекорга Умму Салама (р.а.)дан Абдуллох ибн Зубайр (р.а.) хакида сурамаганлар. Тарихдан маълумки, Абдуллох ибн Зубайр ибн Аввом (р.а.) милодий 684 – 692 йилларда Хижоз (Макка)да халифа булган эди. Унга карши Шомдан Абдумалик ибн Марвон ибн Хакам буйруги билан Хажжож ибн Юсуф ас-Сакофий бошчилигидаги кушин жунатилган эди. Кушин томонидан Макка камал килиниб, Абдуллох ибн Зубайр (р.а.) улдирилган эди. Аммо, мазкур кушинни ер ютмаган эди. Демак, хадисдаги башорат охир замон аломатларидан хисобланади.
Абдуллох ибн Софвандан ривоят килинади: Менга Хафса (р.а.) Расулуллох (с.а.в.)дан: “Байт томон кушин отланади. Улар даштга етиб келганларида, (кушин) уртасини ер ютади. Аввалги (катордагилар) охиридагиларига бакирадилар. Уларни хам ер ютиб кетади. Факатгина улардан кочиб колганлар бу хакида хабар берадилар”, деб эшитганини айтди (“Сахихи Имом Муслим”, 7423).
“Каъбага сажда килаётганларни улдирамиз” ёки “Маккани фатх килмасдан туриб, хаж килмайман!” деб мусулмонларга, Аллохнинг уйида ибодат килаётган кишиларга карши нодонларча “жиход” эълон килганлар, кейин афсус чекиб колмасинлар.
Умму Салама (р.а.)дан ривоят килинади: Расулуллох (с.а.в.): “Бир халифа улганда ихтилоф булади. Мадинадан бир киши Маккага кочиб чикади. Бас, унинг олдига ахли Маккадан одамлар келиб, узи хохламаса хам уни чикариб Рукн ва Маком орасида унга байъат киладилар. Унга карши Шомдан аскар юборилади. Уларни Макка ва Мадина орасидаги даштда ер ютади. Качон одамлар ушани курганларида унинг олдига Шомнинг абдоллари (авлиёлари) ва Ирокнинг яхшилари келадилар ва унга байъат киладилар…”, дедилар (“Муснади Имом Ахмад”).
Мазкур хадисдан маълум буладики, Шомдан аскар жунатилиши ва уни ер ютиши бесабаб эмас. Бу залолатдаги кушин сохта халифаликка тегишли булгани учун хам хакикий, тугри йулдаги, адолатли рахбарга карши чикиб, маглуб булиши башорат килинган. Хулоса урнида шуни айтиш жоизки, юкорида далил килинган хадисдаги каби окибати яхшилик билан тугамайдиганлар булиб колишдан, нохаклик билан хак эгаларига карши чикиб, бу дунёда хам охиратда хам балоларга дучор булишдан эхтиёт булиш даркор.
Абдуллох ибн Умар (р.а.)дан ривоят килинади: Расулуллох (с.а.в.): “Куръони каримни укиб, халкумларидан (пастга) утмайдиган ёшлар пайдо булади. Уларнинг хаммаси хар асрда чикади ва кирилади”. У (ибн Умар (р.а.)): “Расулуллох (с.а.в.)дан: “Уларнинг хаммаси хар асрда чикади ва кирилади” жумласини то “Хатто улар орасидан Дажжол чиккунича”, деб айтгунларича, 20 мартадан зиёд кайтарганларини эшитдим” деди (“Сунани ибн Можа”, 179).
ИШИД ва унга ухшаш такфирчи гурухлар аввало мусулмонларни куфр ва мунофикликда айблашдан эхтиёт булишлари лозим. Токати етмайдиган ишни буйинларига юклаб, уларга мутлако дахли булмаган “халифалик”ни даъво килган холда, жиходни мусулмонларга карши ноурин куллаб, жуда катта фитнага сабаб булаётганларидан куркишсин.
Жамшид АЛИЕВ
