Дуо ибодатнинг магзидир!

Дуо ибодат турларидан бири булиб, инсон билан Аллохнинг уртасини боглайди. Инсон хаёт кийинчиликлари олдида ожиз колганида дуодан бошка суянчик топа олмайди. Аллох таоло мусулмонларни дуо килишга буюрган.

وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ

“Роббингиз: “Менга дуо килинг, сизга ижобат килурман. Албатта, Менинг ибодатимдан кибр килганлар жаханнамга хору зор холларида кирурлар”, деди” (Гофир, 60).

عن أنس بن مالك عن النبي صلى الله عليه وسلم قال الدعاء مخ العبادة: رواه الترمذى

“Анас ибн Молик Пайгамбар (соллоллоху алайхи ва саллам)дан ривоят килади: “Дуо ибодатнинг магзидир”. Бундан англашиладики, дуосиз ибодат магизсиз ибодат булади, яъни кадри паст булади. Чунки Аллох таолога ёлвориб илтижо килаётган банда Ундан бошка хеч кимдан умидвор булмайди. Факат Аллохдангина умид килиш эса тавхид ва ихлоснинг мохияти саналади. Аслида бундан улугрок ибодат йук!

عن أبي هريرة عن النبي صلى الله عليه و سلم قال : ليس شيء أكرم على الله من الدعاء

“Абу Хурайра (розияллоху анху)дан ривоят килинади: “Пайгамбаримиз (соллоллоху алайхи ва саллам): Аллох таолонинг наздида дуодан кура мукаррамрок нарса йук, дедилар”. Дуо ислом шариатида мухим ахамият касб этади.

عن أبي هريرة قال : قال رسول الله صلى الله عليه و سلم : ” من لم يسأل الله يغضب عليه ” . رواه الترمذي

“Абу Хурайра (розияллоху анху)дан ривоят килинади: “Пайгамбар (соллаллоху алайхи ва саллам): Ким Аллохдан сурамаса, У зот ундан газабланади”, дедилар. Демак, биз Аллох таолодан сурамасак газабланади. Шундай экан, хар нарсада Аллохга суяниб, ундан дуо килиб сурашимиз лозим. Хикматларда, “Бандадан сурасанг газаб килади, Аллохдан сурамасанг газаб килади” дейилади. Барча нарсанинг уз шарти булгани каби ва у нарса уша шартларсиз амалга ошмаслиги сингари дуонинг хам уз шартлари бор.

1. Аввало дуо килинаётганида ихлос булиши шарт. Ихлос дегани – дуо ва амални риё ва сумъадан, ширкдан холи килган холда амалларнинг барчасини факат Аллох таоло учун холис килишга айтилади. Дархакикат, Аллох таоло бандаларни дуода ихлос килишга буюриб, шундай дейди:

(فَادْعُواْ اللهَ مُخْلِصِينَ لَهُ الدِّينَ وَلَوْ كَرِهَ الْكَافِرُونَ)(غافر:14)

“Бас, (эй, муминлар!) Гарчи кофирлар ёмон курсалар-да, Аллохга – Унга динни холис килган холингизда дуо (ибодат) килингиз”! Чин имон эгалари инсонлардан асло умидвор булмайди. Улар Аллох таоло буюрганидек, барча хожатларини Карим ва Рахмон Парвардигорларидан сурайди. “Аллохнинг фазлу мархаматидан суранглар!” (Нисо, 32). Расулуллох (соллаллоху алайхи ва саллам) дедилар: “Аллохнинг фазлу мархаматидан сурангиз. Зеро, Аллох Ундан сурашларини хуш куради” (Термизий ривоятлари).
“Хак таоло хеч качон бандалари сурови ва илинжидан малолланмайди. “Сизларнинг хузурларингиздаги нарсалар йук булур. Аллох даргохидаги нарсалар эса бокийдир” (Нахл, 96). Расулуллох (соллаллоху алайхи ва саллам) дедилар: “Ким Аллохдан сурамаса, Аллох унга газаб килади. Хар бирингиз барча хожатини, хатто оёк кийимининг узилиб кетган богичини хам Парвардигоридан сурасин!” (Термизий ривояти).

2. Дуонинг ижобат булишида Аллох таолога аник ишонч булиши керак. Аллохга булган ишонч дуонинг кабул булиш шартларининг энг мухимдир.

عن أبي هريرة رضي اللّه تعالى عنه، قال : قال رسول اللّه صلى اللّه عليه وسلم : ” ادْعُوا اللَّهَ وَأنْتُمْ مُوقِنُونَ بالإِجابَةِ، وَاعْلَمُوا أنَّ اللَّه تَعالى لا يَسْتَجِيبُ دُعاءً مِنْ قَلْبٍ غافِلٍ لاه

“Абу Хурайра (розияллоху анху)дан ривоят килинади: “Пайгамбар (соллаллоху алайхи ва саллам): Аллох таолога (дуони) ижобат булишига аник ишонган холда дуо килинглар. Билингларки, Аллох таоло дуони гофил, беэътибор калбдан кабул килмайди”, дедилар”.

3. Халолдан еб-ичиш.

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: “إِنَّ اللهَ طَيِّبٌ لا يَقْبَلُ إِلا طَيِّبًا، وَإِنَّ اللهَ أَمَرَ الْمُؤْمِنِينَ بِمَا أَمَرَ بِهِ الْمُرْسَلِينَ فَقَالَ تَعَالى: [يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحًا] وَقَالَ تَعَالى: [يَا أَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ] ثُمَّ ذَكَرَ الرَّجُلَ يُطِيلُ السَّفَرَ أَشْعَثَ أَغْبَرَ يَمُدُّ يَدَيْهِ إِلَى السَّمَاءِ يَا رَبِّ يَا رَبِّ، وَمَطْعَمُهُ حَرَامٌ، وَمَشْرَبُهُ حَرَامٌ، وَمَلْبَسُهُ حَرَامٌ، وَغُذِيَ بِالْحَرَامِ، فَأَنَّى يُسْتَجَابُ لَهُ”. (رواه مسلم

Абу Хурайра (розияллоху анху)дан ривоят килинади: Расулуллох (соллаллоху алайхи ва саллам) дедилар: “Аллох покдир ва факат пок нарсанигина кабул килади. Албатта Аллох пайгамбарларга буюрган нарсани муминларга хам амр этди: “Эй Пайгамбар, халол-пок таомлардан енглар ва солих амаллар килинглар”. “Эй муминлар, сизларга ризк килиб берганимиз – покиза нарсалардан енглар”. Сунг Расулуллох (соллаллоху алайхи ва саллам) узок сафарга чиккан, сочлари тарок тегмаганидан патила-патила булиб кетган, чанг-тузон сочининг рангини узгартириб юборган бир киши хакида гапирдилар: “Халиги одам кулларини кукка чузиб: “Парвардигоро! Парвардигоро!” деб дуо килмокда. Бирок унинг егани харом, ичгани харом, кийгани харом ва узи харом билан озикланган. Кандай килиб унинг дуоси ижобат булсин?!” (Муслим ривояти).
Мазкур жумла, харом-харишдан хазар килмайдиган банданинг дуоси мутлако кабул килинмаслигини эмас, балки кабул булиш эхтимолининг жуда йироклигини англатади. Абдуллох ибн Аббос (розияллоху анху)дан ривоят: “Мен Расулуллох (соллаллоху алайхи ва саллам) хузурларида ушбу оятни укидим: “Эй одамлар, ердаги халол-пок нарсалардан енглар” (Бакара, 168). Шунда Саъд ибн Абу Ваккос туриб деди:

– Ё Расулуллох! Аллохга дуо килинг, мени дуоси кабул буладиган киши килсин.

– Эй Саъд, – дедилар Набий (соллаллоху алайхи ва саллам), – лукмангни халол-покиза этгин, дуоси мустажоб киши буласан. Мухаммаднинг жони Унинг измида булган Зотга касамки, корнига харом лукма туширган банданинг амалини Аллох кирк кун кабул килмайди. Харомдан семирган банданинг жойи дузахдадир” (Табароний ривояти).
Дуоси макбул булишини истаган банда аввало еб-ичиши ва кийинишини халолдан килсин. Аллох таоло муминларнинг халол-покиза эхсонларини кабул килади. Уларнинг молларига барака беради.

4. Узок сафарларга чикиш. Сафар дуонинг кабул булишини такозо этади. Абу Хурайра (розияллоху анху)дан ривоят килинади: Расулуллох (соллаллоху алайхи ва саллам) дедилар: “Уч кишининг дуоси мустажобдир: мазлумнинг дуоси, мусофирнинг дуоси ва отанинг боласига килган дуоси” (Абу Довуд, Ибн Можа ва Термизий ривоятлари).Сафар узайган сари дуонинг ижобат булиши хам кучаяди. Чунки узок сафарда юрган кишида гариблик ва машаккатлар туфайли синиклик пайдо булади. Синиклик эса дуонинг ижобат этилишига кучли сабаблардан саналади.

5. Яна дуони шартларидан бири дуо килинаётган нарса шаръан суралиши ва килиниши жоиз булган ишлардан булиши керак.
Ибн Атоуллох айтади: “Дуонинг уз рукнлари, канотлари, сабаблари ва вактлари бор. Агар рукнлари мувофик келса у кучли булади. Агар канотлари мувофик келса у осмонга учади. Агар вактлари мувофик келса муваффакият козонади. Агар сабаблари мувофик келса унгидан келади. Дуонинг рукнлари калбнинг хозирлиги ва хушуъдир. Канотлари ростгуйликдир. Вактлари сахар пайтидир. Сабаблари эса Пайгамбар (соллоллоху алайхи ва саллам)га саловот айтишдир”.

6. Аллох таолодан сабот билан каттик туриб сурамок лозим.
Дуода Аллох таолонинг рубубияти такрор ва такрор зикр этилса, банданинг илтижоси мустажоб булиши тезлашади. Ойша (розияллоху анхо)дан ривоят килинади: Расулуллох (соллаллоху алайхи ва саллам) дедилар: “Агар банда “Парвардигоро!” деб турт марта айтса, Аллох таоло: “Лаббай бандам! Сура, сураганинг берилади”, деб жавоб беради” (Баззор ривояти).
Кулни кукка кутариб сураш дуо килиш одобларидандир. Салмон Форсий (розияллоху анху)дан ривоят килинади: Расулуллох (соллаллоху алайхи ва саллам) дедилар: “Аллох таоло хаёли, Карийм Зотдир. Банда Унга илтижо килиб кулини кутарса, Аллох таоло унинг кулларини курук ва умидсиз кайтаришдан хаё килади”. (Ахмад, Абу Довуд ва Термизий ривоятлари).
Дуо билан оламлар Раббиси Аллох таолога ибодат хосил булади. Чунки дуонинг заминида калбни Аллохга богликлиги ва бирор бир ишда Удан бошкасига илтифот килмай, факат Узигагина ихлос килиш каби хислатлар ётади. Аллох таоло барчаларимизни яхши дуо киладиган ва дуолари ижобат буладиган бандаларидан килсин.