Чемпион хикоялари: Марсело

Нимадан бошласам экан… Мен сизларга бобом ва у кандай килиб менинг хаётимни узгартириб юборгани хакида сузлаб бермокчиман. Яна Роналдо хакида. Ромарио хакида…
Гаплар куп.

Олти ёш эдим, ёзги таътил булса-да, хар куни эрталаб соат 7:30да турар, Ботафого пляжига, футбол уйнагани кетардим. Пляж якинида кичик футбол майдончаси, унинг якинида эса, автомобиллар турар жойи, доим «бир доллар, бир доллар» дея кичкириб турадиган киши турарди. У бир доллар эвазига автомашинангизни «химоя киларди». Унинг киёси йук овози билан биргаликда, уша даврдан менга ердан тараладиган узига хос хид ёдимда колган.

Бу худуд Ботафого фанатларига тегишли эди. Баъзида футбол майдончаси улар билан тулар, мен четдан айланиб утардим, баъзида хеч ким йук, хувиллаб ётар, лекин хар куни. Худонинг берган куни у ерда Марселитони – яъни мени топиш мумкин эди.

Мен уша хидни хам, икки оёгим остидаги коптокни хам яхши эслайман, менимча, айнан уша пайтларда хозирчага мен билан булган хакикатни тушуниб етгандирман: агар туп сизнинг оёкларингиз остида булса, аклдан оздирувчи бахт, атрофингизда бирга уйнаётган шерикларингиз борми, йукми, бошка масала, барчаси мана шу тупда мужассам.

Уша ёзда Америкада 1994 йилги жахон чемпионати давом этаётганди. Чемпионат бошланмасидан Бразилия байрамона тусга киради, атроф яшилликка бурканади, кучалар, деворлар, ойналар, одамларнинг юзлари кук ва сарик рангларга буялади. Бразилияда улгайган хар бир бола узида буни хис килади. Бир пайтлар Роналдонинг болалик хотираларини укигандим, у хам болалик чогида, 1982 йилги мундиал олдидан кучага чиккан ва Зиконинг расмини буяшда карашган экан.

Эй Роналдо, агар сен буни укиётган булсанг, билиб куй, мен олти ёшимда, уртокларим билан сенинг расмингни буяб чикканмиз. Сен биз учун кахрамон эдинг. Бу доимо калбимни ларзага келтирадиган хотира.

Хотиралар кизик булади, мен масалан, ушанда Бразилия кандай килиб финалда галаба козонганини эслай олмайман, хаммаси элас-элас, лекин кейинги куни чиккан газетанинг бош сахифасидаги расм куз олдимда турибди: Самолётдан Бразилия байрогига бурканган холда тушиб келаётган Ромарио гуёки биз учун дунёни забт этгандек эди. Бу расм менда улкан фахр туйгусини пайдо килган, ичимда «э худойим, мен хам бир кун шундай килишим керак» деб уйлаганман.

Албатта, бу жуда кулгили хомхаёл. Аввало, Бразилияда 200 миллиондан ортик одам яшайди ва уларнинг хар бири, хатто ёши катталари хам футболчи булишни орзу килишади. Иккинчидан, мен хали хакикий футболчи хам эмасдим. Шунчаки, махаллий футзалда шугулланиб юрар, футбол клублари буйлаб саёхат килиш оилам учун имконсиз эди. Балки, Америка ёки Англияда яшайдиганлар мени тушунмаслар, аммо ростан хам уша пайтлари бензин жуда киммат булган.

Бахтимга бувам мен учун бор нарсасини курбон килишга тайёр булади. У менинг хикоямдаги энг мухим инсон булгани шубхасиз. У узининг эски, адашмасам 1969 йилги булса керак, Volkswagen машинасида мени футзал уйинларига олиб борарди. Саккиз ёки туккиз ёшимда эдим, доимо кучада юриш, газга, тушликлар учун ххаражат килиш огирлик килиб колаёзган бир паллада, бувамнинг бир карори менинг келажагимни узгартириб юборганди.

У машинасини сотиб юборди ва бор пулини мен уйинларга боришим учун автобус чипталарига сарфлади.  Бу холат уни хафа килган ёки у ачинган деб уйлайсизми? Йук. У доимо битта гапни такрорлашдан чарчамасди – «Менинг набирам Риодаги энг буюк футболчи. Бразилияда унинг тенги йук. Уни тухтатиб булмайди!»

Унинг кузида гуёки мен хеч качон хато килмас эдим. У менинг уйинларимни томоша килиб, уйга келганида отамга «унинг уйинини кургани борсанглар булмайдими, Марсело бугун нималар килиб ташлади-я, ажойиб» –  дерди. Афсуски, отам менинг уйинларимни куришга вакт топа олмас, чунки у эрта-ю кеч ишлаши керак эди. Менимча, у бувамни бироз тентак деб хам уйлаган булса керак. Хатто мен жуда ёмон уйнаб, ютказган пайтларимда хам бувам мени юпатиш йулини топарди. Хуллас у туккиз ёшимда узимни Роналдодек хис килишга ургатарди. Ростанам бу таъсир киларди, ишонаверинг.

Бир куни, мен ушанда ун ёшларда эдим, уйиндан кейин бувам олдимга келди ва Volkswagen Beetle автомобилини курсатди:
– Чик, кетдик уйга.
– Нима буляпти, каердан олдинг машинани?
– Жого до бишо

Бизда шунака лотерея тури бор эди. Унчалик конуний эмас, менимча, лекин шахарчамизда купчилик уйнарди. Кайсидир хайвон билан боглик бирор ракам танлайсиз ва хар куни янги расм пайдо булади. Бувам уша уйинда канчадир пул ютиб олган ва шу машинани сотиб олганди.

Ажойиб. Биз хамма ерга шу машинада борардик. Ун еш ёшимда, мени «Флуминенсе»га, хакикий футбол жамоасига таклиф килишганда эса, муаммолар бошланди. Уларнинг базаси биздан икки соатлик йул булган Херемда жойлашган, у ерга бориш учун ёкилгига пул топа олмасдик. Окибатда мен у ерда коладиган булдим, бувам хар шанба мени олиб кетгани келар ва якшанбани Риода, оилам билан утказардим.

Канчадир вакт утгач, аник эсимда йук, мен хаммасидан зерикдим. Узимни футболнинг кули деб хис этишни бошлагандим, чунки дустларимнинг ёзги таътилда мазза килиб пляжларда дам олаётганини курар, мен бу имкониятдан уз хохишим билан воз кечаётгандек эдим. Бир куни бувам келганида унга хам айтдим.
– Мен тугатдим. Бу ердан кетаман ва уйга кайтаман.
– Йук, йук. Сен бундай килмайсан. Шунча курашганимизга карамасдан-а?
– Мен захирада утириб колдим. Мен уз ёшлигимни курбон киляпман. Жонга тегди.

Шундай деб мен хунграб йиглашни бошладим.
«Марсело, шунчаки, хотиржам бул», – деди у – «Сен хозир бу ишни килишга хаккинг йук. Бир куни мен сенинг Мараканада уйнаётганингни куришим керак».

Бу гап менга таъсир килди. «Бупти, яна бир хафта уйнайман», – дедим, лекин ичимда фикрим узгара бошлаганди.

Икки йил утиб, бувам трибунада утирар, мен эса, «Флуминенсе»нинг асосий таркибида Мараканага чикиб келардим. Назаримда, у хаммасини билган, менга ишонган ва менга тиккан эди. Мен унинг учун шунчаки лотерея эмасдим.

18 ёшга тулганимда Европа клублари пайдо була бошлашди. ЦСКА менга кизикаётганини эшитдим, «Севилья» хам бор эди. У пайтларда «Севилья» жуда кучли намойиш этаётган, жамоа таркибида бир нечта бразилиялик бор эди – «бу жуда зур-ку!».

Кунлардан бирида эса, бир агент менга телефон килиб суради:
«Реал Мадрид»га боришни истайсанми?»

Булмасамчи! Мен бу агент ким эканини билмасдим, аммо у мени «Реал»га боришим мумкинлигига ишонтирди.
Бир неча хафта утиб, Порту Алегрида уйнаётганимизда, «Реал» мен билан учрашишга кимнидир юборган экан. У одам мен билан учрашди ва ким билан яшашим, севганим борми ёки йукми, суриштира бошлади. У одамда «Реал»нинг эмблемасини хам, бирор хужжатни хам курмаганим учун шубхалана бошладим: Ростанам у «Реал»дан келганми ёки самолётга утказиб, канакадир Сибирга жунатиб юборса-я?

Икки кундан кейин телефон килишди ва «тиббий курик»дан утиш учун Мадридга боришим кераклигини айтишди. Яна шубхалар кемира бошлади. Нахотки бу ишлар шундай амалга ошса?

Мени хам тушунинглар, биласизми 16 ёшимгача Чемпионлар Лигаси деган турнир борлигини хам билмаганман. Бир вокеа эсимда, Херемдаги дам олиш хонасида утирардик, бир неча шерикларим «Порту» ва «Монако» уртасидаги уйинни томоша килаётганди. Уйин канакадир тезкор, стадионнинг чими, мухлислар хаммаси ажойиб куринди. Уша пайтларда Бразилия лигаларида ёруглик бу даражада булмасди. Майсалар хам бу кадар яшил эмасди. Уйин гуёки, умуман мен билмайдиган бошка планетада булаётган трансляцияга ухшарди.
– Нима бу, канака лига?
– Чемпионлар Лигаси.
– Канака чемпионлар?
– Овсар, бу Чемпионлар Лигаси финали!

Мен унинг нима хакида гапираётганини билмасдим. Бразилияда Чемпионлар Лигаси факат пуллик каналларда берилар, бизга ухшаган оддий одамлар кура олмасдик.

Хуллас, мен Мадрид самолётидаман. Айтдим-ку, мен хали хам нима булаётганини тушунмасдим, хозир бораман, озгина гаплашамиз, тамом. Учрашувга боргач, столда тайёр шартнома турганини куриб, аклдан озаёздим ва уша лаънати когозга дарров имзо чекдим. Ходимлар менга костюм-шим кийгизиб, журналистларга намойиш килдилар. Оиламдагиларнинг айтишича, бу хакида Globo Esporte эфирида курсатилмагунча, улар хам хеч нарсага ишонмай утиришган экан.

Бу холат мен учун фантастика туюлганининг яна бир сабаби, Роберто Карлос менинг кумирим эди. У мен учун хакикий кахрамон, у билан бир жамоада булишга ишонишим жуда кийин булаётганди.

Кичкина Марселито компьютер уйинларидаги жамоада пайдо булиб колганди.

Улар мени тириклайин еб куйишлари мумкин эди. Аммо рухсат берсангиз, «Реал»даги энг мухим жихатини айтсам. Унинг узига хос экани хам шунда. Биринчи куниёк  Роберто Карлос ёнимга келди ва уз телефон ракамини бериб, агар ёрдам керак булса, мурожаат килишим мумкинлигини айтди.

Мадриддаги илк Рождество кунида у мени ва рафикамни уйига таклиф килди. У менинг кумирим, бир позиция учун ракобат киламиз. Балки купчилик мен билан бундай муносабатда булмасди. Лекин у Роберто Карлос, шу кадар узига булган ишончи кучли эдики…

Мен унинг майдондаги харакатларидан хам завкланардим. Роберто Карлос чап канотнинг бошидан охиригача хукмрон булиб оларди.

«Мени ёктирасизми ёки йукми, мен шу ерда булишим керак. Мен хужум килишим керак. Мен буни истайман. Оркада муаммо булиши мумкинми? Балки. Буни тузатамиз, лекин аввало, хужум килишимиз керак».

Бу даражада ишонч билан уйнаш учун шериклар билан хам зур муносабат булиши керак. Фабио Каннаваро менга якин булган томонда уйнарди ва доим менга – «Марсело, боравер, мен караб тураман. Куркма, мен Каннавароман» дерди.

Хозир худди шу ишни Каземиро киляпти. У доим менга хужумга бораверишимни, химояга караб туришини айтади. Ох, Каземиро, бу менинг хаётимни куткарди. У туфайли, унинг ёнида мен 45 ёшгача мана шундай хотиржам уйнашим мумкин.

Ёзда Роберто Карлос жамоани тарк этди ва энди мен купрок майдонга туша бошладим. Кичкина Марселито уча бошлади.

Дам олгани Бразилияга борганимда, бувамнинг хонасига албатта кирардим. У кандай хона, айтайми? У олти ёшимдан бошлаб, менга тегишли хамма нарсани йигар ва эски шкафига ясатиб куярди. Урган голларим, расмлар, мен хакимда газеталарда чиккан маколалар, хаммасини киркиб, рамкага солар ва шкафга куярди. «Реал»дан бориб карасам, хали хам уша ишни киляпти. Биз Ла Лигани ютгандик, демак шкаф роса туладиган бупти-да. У хеч нарсани утказиб юбормасди. Мен доим бу хонага икки нарсани кушишни хохлардим. Чемпионлар Лигаси кубогини кутариб турган расмим ва худди Ромарио каби, жахон чемпиони сифатида Бразилия байрогига уралиб олганимни.

2014 йилда Чемпионлар Лигаси финалига чикдик. Мен уша уйингача турт уйинда асосий таркибда тушдим, аммо мураббий финалда захира уриндигида колдиргач, очигини айтсам, жуда хафа булдим. Аввал шунака булди, лекин негадир уша окшом мен билан кандайдир буюк вокеа содир булишини сезардим ва уз вактимни кутиб утирдим.

Биз уйин охирларигача хисобда оркада бордик. Кейин эса, Серхио Рамос яна боши билан бизни куткариб колди. Бу бола нега шунака билмайман. Балки хамма гап унинг сочидадир. Хуллас, мураббий мен ва Искони олдига чакириб, майдонга тушишимиз кераклигини айтганида, ута жахлдор холатда эдим. Яхши маънода, албатта. Мен галаба козониш утида ёнардим.

Кушимча вактда гол урганимда, худди миям ишламай колганга ухшарди. Нима килишни билмай колдим, аввалига футболкамни ечаймикин, деб уйладим, кейин сарик карточкадан куркдим. Жиддий булиб олдим. Каердандир йиги келди. Бу тентакона хиссиётлар эди.

Ун йил олдин мен Херемдаги телевизорда куриб, нима эканини билмаганим Чемпионлар Лигаси кубогини кулимда кутариб турардим. «Реал» тарихидаги унинчи мана шундай кубокни.

Финалдаги галабамиздан бир неча ой утиб, Риода бувам вафот этди. Мен мана шундай одам яшаганидан фахрланаман ва айнан у туфайли мен мана шу даражагача етиб келгандим. Баъзида уйлаб коламан, ун бир йилдан бери «Реал»даман, шунча йилдан бери Бразилия терма жамоасида уйнайман. Мен каби тентак химоячи учун куп эмасми? Кандай килиб халигача уйнаб юрибман, хайронман.

Хар куни, «Реал» базасига келар эканман, мени жуда катта хиссиётлар чулгаб олади, мана шу буюк клуб тарихининг бир булаги булиб колишимга ишона олмайман. Бу юзимда билинмаслиги мумкин, аммо ичимда халиям бу клубнинг буюклиги мени куркитади, ишонинг.

Аммо менинг яна бир катта орзуим бор. 2018 йилда Бразилия яна жахон чемпионатида уйнайди. Бир нарсани ёзиб, саклаб куйинг, Тите ажойиб мураббий ва биз у билан яна чемпионлик шохсупасига кайтамиз. Ишонасизми, у мураббийликка тайинланган илк куниёк менга кунгирок килди:
«Мен албатта кафолат бермайман, лекин бир куни терма жамоада уйнашга таклиф килиш учун сизга кунгирок килсам, тайёрмисиз?»

Бу мен учун жуда катта нарса эди. Ун бир йиллик даврда биринчи марта терма жамоа мураббийи менга шахсан кунгирок килганди. Мен Титедек одам учун урушга боришим мумкин хатто, у учун ва бувамнинг хонасига жахон кубогини кушиб куйиш учун кулимдан келадиган хамма нарсага тайёрман.

Лекин агар буни эплай олмасам, нима дейишим мумкин? Барибир Марселолигимча коламан. Бахтли Марсело…