Абдулазиз Карим айтаяптики: Мен энди “жиноятчи” эмасман

Утган асрнинг туксонинчи йилларида “Курбон буламан” кушиги билан танилган, хозирда Туркия ватандоши сифатида Истанбулда яшаётган узбекистонлик хонанда Абдулазиз Карим Узбекистонда узига нисбатан жиноят иши ва кидирув бекор килинганини айтди.

45 ёшли хонанданинг 24 август куни Facebook сахифасига жойлаган видеомурожаатида таъкидлашича, у президент Шавкат Мирзиёевнинг ташаббуси билан реабилитация булгани хакда унинг уйига Тошкент шахар Шайхонтохур тумани милициясидан кунгирок килиб айтишган.

“Бугун Тошкентдаги уйимга эрталаб РОВДдан кунгирок килиб, менга нисбатан кузгатилган барча жиноий моддалар олиб ташлангани хакида хабар беришди. Кидирувда булганим хам олиб ташланди. Бу ишнинг ташаббускори Узбекистон президенти Шавкат Мирзиёев экани хам таъкидлаб утилди”, дейди Абдулазиз Карим уз видеомурожаатида.

Хонанда 2015 йилда кушиклари Узбекистонда такикланиши ортидан ватанини тарк этган эди.

Унга нисбатан Узбекистон жиноят кодексининг 223-моддаси, конунга хилоф равишда чет элга чикиш, чегарани ноконуний кесиб утиш хамда маъмурий жавобгарлик тугрисидаги кодекснинг 474-моддаси, вояга етмаган фарзандларини моддий таъминлашдан буйин товлаш буйича иш очилган эди.

2016 йилда Туркия ватандошлигини олган санъаткор уз ватани Узбекистонда барча унвонлардан хам махрум килинганди.

“Мен энди жиноятчи эмасман. Такикланган санъаткорлар руйхатидан чикдим. Энди янги-янги ижодлар билан сизларни хушнуд этаман”, дейди Абдулазиз Карим 24 август кунги видеомурожаатида.

Озодлик сухбатлашган “Узбекконцерт” мулозими Абдулазиз Каримга нисбатан такик йуклиги, келиб лицензия учун мурожаат килиши мумкинлигини айтди.

Абдулазиз Карим 90-йилларда “Курбон буламан” кушиги билан Узбекистонда энг таникли хонандалардан бирига айланди.

Кейинчалик Абдулазиз Каримнинг Яссавий газалларига басталаган куйлари халк орасида шухрат топди.

У барча кушикларини узи басталаган санокли хофизлардан хисобланади.

Утган йил охирида бастакор-ижрочи таникли узбек шоири ва мухолифат арбоби Мухаммад Солихнинг “Гариб дарахт”¸ “Ойдинга” каби олтита шеърини кушик килиб куйлаган эди.