Узбеклар нега уз юртига виза ололмаяпти?

Узбекистонга сайёхлик визаларини олиш соддалаштирилгани хакидаги хабарлардан илхомланиб Тошкентга отланган асли узбекистонлик унлаб чет эл ватандошига сайёхлик визаси берилмаётир. Озодликка бу хакда шикоят килганларнинг аксари мухожирликда яшаб чет эл фукролигини олган ва Ислом Каримовнинг 2014 йилда чиккан фармони билан узбек фукаролигидан махрум этилган мухолифатчилар, хукук химоячилари, журналистлар хамда уларнинг кариндошларидир.

Бир ой аввал Узбекистон дунёнинг 101 давлати фукаролари учун е-виза тизимини жорий этди.

Узбекистон президентининг 4 июл кунги “Чет эл фукароларининг Узбекистон Республикасига кириш тартибларини янада такомиллаштириш тугрисида”ги карорига мувофик, шу давлат фукаролари Узбекистонга 20 долларга уч кун ичида виза олиб сафар килишлари мумкинлиги айтилди.

Бундан ташкари президентнинг карори транзит йуловчиларга Узбекистонда беш кунгача визасиз колиш имтиёзини хам бериши билдирилди.

Бу турт йил аввал узбекистон ватандошлигини йукотган 61 ёшли АКШ ватандоши Исокжон Зокиров учун ун икки йиллик узилишдан сунг ватанини зиёрат килишга фурсат эди.

Лекин, Зокировга Узбекистонга сайёхлик визаси берилмаган

АКШ фукароси Исокжон Зокиров.

– Мен мухолифат сафларида булганим учун беришмаётгандир, лекин мен АКШ ватандошиман, Узбекистон ватандошлигидан чикарилганман. Бир сайёх сифатида бир ойга Узбекистонга бормокчиман холос, у ерда узок колиш ниятим хам йук, лекин менга виза беришмаяпти, – дейди Исокжон Зокиров.

Узбекистонга сайёхлик визаси ололмаётган факат Зокиров эмас.

Британияда сал кам 15 йилдан буён яшаётган 81 ёшли хоразмлик олим Ахмад Хожи Хоразмийга хам сайёхлик визаси рад этилган.

Хоразмлик олим президент Мирзиёвенинг хорижда яшаётган узбекистонликларга карата “кайтинглар” деган мурожаатидан илхомланиб, ватанини зиёрат килиш учун Лондондаги узбек консуллигига сайёхлик визаси олиш учун ариза топширгани, лекин рад жавобини олганини айтади.

– Топширдим, ун кун булди жавоб йук. Кейин узим консулликка телефон килдим, Тошкент хал килади буни, биз бу ерда почталёнмиз холос, дейишди. Кейин паспортимни кайтариб беришди, виза йук, – дейди Ахмад Хожи Хоразмий.

Ватанни зиёрат килиш илинжида Мирзиёевнинг 2018 йил 4 июлда имзолаган кароридаги 101 давлат фукароларига Узбекистонга 5 кунгача визасиз колиш хукукини берувчи имтиёз билан Узбекистонга кирмокчи булганлар хам булди, лекин улар Тошкентга киритилмай ортга кайтарилди.

Америкада яшаётган 31 ёшли тадбиркор Бобур Хасан утган хафта Москва оркали Тошкентга учиб келиб, 3 кунга Узбекистонда колишни ният килган эди.

Узбекистонга 50 миллион долларлик сармоя киритиш ахдида булишига карамай тадбиркор Тошкентга киритилмади.

Америкалик тадбиркор Бобур Хасан.

– Шу карорга ишониб бордим Тошкентга. Беш кун эмас уч кунга транзит тухтаб утмокчи эдим. Токентда АКШ паспортимни бердим, мен транзит йуловчи, Hyatt мехмонхонасида зона резерв килганман. Президент карорини уларга пеш килдим. Паспорт назорати ходими каергадир чикиб кетди ва келди ва сизни узбекистонга киришингиз такикиланган, деди ва мени келган учогим билан Москвага кайтриб юборишди, – дейди Бобур Хасан.

Швецияда 58 ёшли узбек кочкини Мухиддин Курбонов 23 май куни Узбекистон ватандошлигидан махрум килиниб, Тошкент аэропортидан кайтарилди.

Курбоновга президент фармонига кура, беш йил ичида Узбекистонда булмаганлиги боис ватандошликни йукотганлигини маълум килишган.

Швецияда яшовчи узбек кочкини Мухиддин Курбонов.

– Менинг кайтишимга асосий сабаб президент Мирзиёевнинг чакириги булди. «Кули конга ботмаган булса келсин, ота-энасини олдига келиб яшайверсин», деган гаплари менга туртки булди, – дейди Мухиддин Курбонов.

Озодлик чет эл фукаролигини олган айрим собик узбек ватандошларига виза берилмаётгани сабабини сураб Узбекистон Ташки ишлар вазирлиги Консуллик бошкармасига богланди.

Исми сир колишини истаган консуллик бошкармаси мулозими алохида олинган шахсларга виза берилмагани юзасидан изох беролмаслиги, лекин умумиятла аввал Узбекистон ватандоши булиб, расман чиккан ва бошка давлат ватандошлигини олганларга хеч кандай истисносиз сайёхлик визалари берилишини айтди.

“Хозир Узбекистонга сайёхлик визаси 101 давлат фукаролари учун жуда кулайлаштирилган. Е-виза тизими оркали уч кунда олиши мумкин. Олдин узбек фукароси булган экан, уларга берилмайди, деган гап йук. Кулида паспорти булса, узбек ватандошлигидан расман чиккан булса, бирон ишкал килмаган булди, виза берилади. Энди айримлар киритилмаган булса, айримларга виза рад этилган булса бу дунё консуллик практикасида бор нарса. Хамма давлатда бор бу. Кимдир АКШга хам киритилмай оркасига кайтарилиши мумкин,” – деди Озодлик сухбатлашган Узбекистон ТИВ Консуллик бошкармаси мулозими.

Узбекистонлик журналист “Center – 1” нашри бош мухаррири Галима Бухорбоева фикрича, Каримов даврида кувгинга учраганларнинг Мирзиёев даврида хам ватанига киритилмаётгани иккита нарсага аниклик киритди.

– Биринчидан Тошкент кочкинларнинг мамлакатга келишини хохламаяпти. Каримов даврида кувилганлар Мирзиёев хукуматига хам душман булиб курилмокда. Иккинчидан хукумт уз конунларини узи бир тийинга олмаяпти. 15 июлда кучга кирган карор хали сиёхи куримасидан бузилаётганини куриб турибмиз, – дейди Бухорбоева.

Айни пайтда Париждаги “Ут юраклар” клуби рахбари Муътабар Тожибоева хорижда мухожирликда яшаётган ва узбек фукаролигидан махрум этилган инсон хукук фаоллари мухолифатчи ва журналистлар номидан “Фукаролигимизни тикланг, Она ватанимизга йулни очинг!” деган мазмунда Узбекистон президенти Шавкат Мирзиёевага мурожаат билан чикди.