komilov-svarajЎзбекистон ташқи ишлар вазири Абдулазиз Комилов 11 февраль куни Ҳиндистонга икки кунлик ташриф билан келди.

Ташриф чоғида Комилов Ҳиндистон ташқи ишлар вазири Сушма Свараж билан учрашади, дея хабар беради Ҳиндистон Ташқи алоқалар вазирлиги.

Ўзбекистон ва Ҳиндистон ташқи ишлар вазирлари 12 февраль куни учрашиб, бир қатор икки томонлама масалаларни муҳокама қиладилар.

India Today хабарига кўра, Ҳиндистон ўз ядровий ёнилғини сотиб олиш манбаларини диверсификация қилиш учун Ўзбекистондан уран сотиб олишга қизиқаётганини билдирган.

Жаҳон ядро ассоциацияси маълумотларига кўра, Ўзбекистон дунёда ураннинг еттинчи энг йирик экспортчиси саналади. Республиканинг Геология ва минерал ресурслар давлат қўмитаси маълумотларига кўра, текширилган ва ҳисобланган уран захиралари 185,8 минг тоннани ташкил этади.