Главные новости
Главная / Сиёсат / Тошкентда кучли нохуш ҳид тарқалишига сабаб бўлган кимёвий авария баратараф этилди
<

Тошкентда кучли нохуш ҳид тарқалишига сабаб бўлган кимёвий авария баратараф этилди

Тошкентда душанба-сешанба кунлари сезилган кучли нохуш ҳид темир йўл станциясидаги контейнерлардан бирида гидросульфат натрий сизиб чиқиши натижасида юзага келган. Бу ҳақда Фавқулодда вазиятлар вазирлиги маълум қилди.

b7130bc3-8f45-4cd6-ad74-5ff

Расмий маълумотда айтилишича, кимёвий авария душанба куни кечқурун содир бўлди. 27 август куни соат 21:45 да вазирликка Олмазор тумани Чуқурсой кўчасида жойлашган «Универсал логистик сервис» темир йўл станциясига 20 август куни келиб тушган ва манзилига жўнатилишини кутаётган контейнерлардан биридан тутун чиқаётгани ҳақида маълумот берилган.

Аниқланишича, гидросульфат натрий солинган 384 та контейнернинг 109 тасида герметик қопламалар кўчиши оқибатида моддалар сизиб чиқиб, димланиш содир бўлган.

Ҳодиса жойига етиб борган қутқарувчилар ва ўт ўчирувчилар аварияни сешанба куни тонгги 4:30 да бартараф этишга муваффақ бўлди.

Расмий маълумотда билдирилишича, контейнерлар зарарсизлантирилиб, хавфсиз жойга кўчирилди.

“Ҳудуд тегишли ўлчов асбоб-анжомлари билан ўрганилди ва ҳавонинг концентрацияси ҳамда радиацион фон меъёрида экани аниқланди”, дейилади хабарда.

Ҳаққимизда anvarj63

Яна маълумот

xtbmobbghs0cm1pjs75rejyyqv_rhr7l

Ўзбекистондаги коронавирус беморлари ҳақида янги маълумотлар берилди

Соғлиқни сақлаш вазирлиги коронавирусга чалинган беморлар бўйича қўшимча маълумот берди. Соғлиқни сақлаш вазирлиги Жамоатчилик билан …