Главная / Сиёсат / Тошкент вилояти ҳокими ишдан олинди. Унинг ўрнини Жаҳонгир Ортиқхўжаевнинг собиқ ўринбосари эгаллади

Тошкент вилояти ҳокими ишдан олинди. Унинг ўрнини Жаҳонгир Ортиқхўжаевнинг собиқ ўринбосари эгаллади

Тошкент вилояти ҳокими Рустам Холматов лавозимидан озод этилди. Ўзбекистон президентининг бу ҳақдаги фармони эълон қилинди.

Унинг ўрнига Тошкент шаҳар ҳокимининг эндиликда собиқ биринчи ўринбосари Даврон Ҳидоятов Тошкент вилояти ҳокими вазифасини бажарувчи этиб тайинланган.

Бугун, 30 январ куни, Тошкент вилояти халқ депутатлари Кенгашининг йиғилиши бўлиб ўтди. Унда бош вазир Абдулла Арипов ҳам қатнашган. Йиғилиш давомида вилоят ҳокими Рустам Холматов ишдан олинган.


Даврон Ҳидоятов /Фото: Тошкент вилояти ҳокимлиги

Йиғилишда 2018 йилдан буён Тошкент шаҳар ҳокимининг биринчи ўринбосари вазифасида ишлаб келган Даврон Ҳидоятов Тошкент вилояти ҳокими вазифасини бажарувчи этиб тайинланди. Ҳидоятов Жаҳонгир Ортиқхўжаевга архитектура, капитал қурилиш ва коммуникацияларни ривожлантириш масалалари бўйича ўринбосар бўлган. Олдинроқ Олмазор тумани ҳокими Бахтиёр Раҳмонов Тошкент шаҳар ҳокимининг биринчи ўринбосари бўлгани хабар қилинганди.

Маълумот учун, Рустам Холматов 2019 йил 4 июндан Тошкент вилояти ҳокими вазифасида ишлаб келаётганди.

Ҳаққимизда anvarj63

Яна маълумот

18010801

ИИВ ҳудудий тизимларида янги лавозим тайинловлари амалга оширилди

Ўзбекистон Республикаси Ички ишлар вазирлигининг ҳудудий тизимларида янги лавозим тайинловлари амалга оширилди. ИИВ сайтидаги маълумотга кўра, қуйидагилар …