Главные новости
Главная / Жамият / Сахароводаги 170 нафар тутқин-муҳожир Ўзбекистонга қайтарилади
<

Сахароводаги 170 нафар тутқин-муҳожир Ўзбекистонга қайтарилади

"Сахарово"даги Чет эл ватандошларини вақтинчалик сақлаш маркази
“Сахарово”даги Чет эл ватандошларини вақтинчалик сақлаш маркази

Россия пойтахти Москва яқинидаги Сахарово қишлоғида жойлашган Чет эл ватандошларини вақтинчалик сақлаш марказида тутиб турилган ўзбекистонликлар Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқлари ва манфаатларини ҳимоя қилиш жамғармаси ҳисобидан юртига қайтарилади.

Бу ҳақда Ўзбекистон Бандлик ва меҳнат муносабатлари вазирлиги Facebook тармоғидаги ўз саҳифаси орқали маълумот тарқатди.

Хабарномага кўра, Россияга сафар қилган вазирлик вакиллари шу йилнинг 31 октябрь куни “Сахарово” вақтинчалик сақлаш марказига борганлар. Марказ маъмурияти ўзбек делегациясидан паспорти бўлмаган (йўқолган) ватандошларга Ўзбекистон элчихонасининг консуллик бўлими томонидан Ватанга қайтиш сертификатини расмийлаштириш ишларини тезлатиш ҳамда вақтинча сақлаш марказида тутиб турилган шахсларга сертификат беришда улардан консуллик йиғимини олмаслик юзасидан кўмак сўраганлар.

Бандлик ва меҳнат муносабатлари вазирлиги “Сахарово”да тутиб турилган ўзбек муҳожирлари билан ҳам суҳбат ўтказган, уларнинг шароити билан танишган. Уларга зарур ҳужжатлар ҳозирланганидан кейин Жамғарма ҳисобидан Ўзбекистонга қайтарилишлари айтилган.

Ҳаққимизда Anonymous

Яна маълумот

gg5giysngegbvpuldxw1-b9yu45hwvha

Ўзбекистон Туркия Буюк миллат мажлиси аъзоларини сайловларда кузатувчи сифатида иштирок этишга таклиф қилди

2019 йилнинг 6 август куни Туркияда амалий ташриф билан бўлиб турган Ўзбекистон Республикаси ташқи ишлар …