Главная / Жамият / Қозоғистонда Тошкентдан Бишкекка кетаётган автобус ЙТҲга учради

Қозоғистонда Тошкентдан Бишкекка кетаётган автобус ЙТҲга учради

Тошкент–Бишкек йўналиши бўйлаб кетаётган автобус Қозоғистонда ЙТҲга учради.

27 август куни соат 07:18 да Тошкент–Бишкек йўналишида ҳаракатланаётган давлат рақам белгиси 01 313 VFА бўлган автобус Қозоғистон Республикаси Туркистон вилоятининг Шакпак қишлоғи яқинидаги чорраҳада ҳайдовчининг бошқарувни йўқотиши натижасида транспорт воситаси йўл четига чиқиб кетган.

 1-113-800x600

Мазкур автобус 26 август куни соат 22:00 да «Тошкент» автовокзалидан икки нафар ҳайдовчи ва 47 нафар йўловчи билан йўлга чиққан. Дастлабки маълумотларга кўра, ҳодиса оқибатида 12 киши турли даражада тан жароҳати олган.

Ушбу автобус Тошкент шаҳар Чилонзор тумани Бунёдкор кўчаси 7-уйда жойлашган «Мироншоҳ Гранд Транс» МЧЖга тегишли бўлиб, 2022 йил 18 мартда мазкур автобусга лицензия варақаси Транспорт вазирлиги томонидан берилган.

2018 йилда ишлаб чиқарилган «YUTONG BUS ZK6122H9» (Хитой) русумли автобус охирги мартта 2022 йил 17 мартда Тошкент шаҳри ИИББ ЙҲХБ РИБда техник кўрикдан ўтган бўлган.

Ҳозирда мазкур ҳолат юзасидан «Мироншоҳ Гранд Транс» МЧЖ раҳбарияти ва корхонада ҳаракат хавфсизлигини таъминлашга масъул ходимлар билан ваколатли органлар томонидан суриштирув ишлари олиб борилмоқда.

Яна маълумот

nupwfes8jzf5puqvdrt-ygahb6nviogs

Қайси касалликларда Фитотерапия самарали таъсир қилади?

Шифобахш ўсимликлардан тайёрланган дорилар қайси касалликларга самарали таъсир қилиши ҳақида маълумот берилди. Шифобахш ўсимликлар қадимдан …