Главные новости
Главная / Жамият / Молия вазирига янги ўринбосар тайинланди
<

Молия вазирига янги ўринбосар тайинланди

Ўзбекистон Республикаси Президентининг 2019 йил 7 январдаги 4098-сонли қарорига асосан Ғолиб Облақулович Холжигитов Ўзбекистон Республикаси Молия вазирлиги ҳузуридаги Давлат-хусусий шерикликни ривожлантириш агентлигининг директори – Ўзбекистон Республикаси молия вазирининг ўринбосари лавозимига тайинланди.

moliya

Ғолиб Холжигитов 1979 йилда туғилган, маълумоти олий, молиячи, иқтисодчи. 2001 йилда Шимолий Аризона Университети (АҚШ), 2004 йилда Тошкент Давлат Иқтисодиёт Университети ва 2012 йилда Гарвард Университетларини (АҚШ) тамомлаган.

Молия вазирлигида иш фаолиятини 2001 йилда бошлаган. 2004-2011 йилларда Хусусийлаштириш, монополиядан чиқариш ва рақобатни ривожлантириш давлат қўмитаси ҳузуридаги монополияга қарши сиёсатни такомиллаштириш эксперт гуруҳи раҳбари, Марказ директори вазифасини бажарувчи ва Марказ директори. 2016-2018 йилларда «UBS Global Wealth Management» корпорациясининг хусусий капитал ва молиявий технологияларни бошқариш масаласида автоматлаштириш ва роботлаштириш хизматларни жорий этиш бўйича лойиҳалар менежери (АҚШ).

2018 йилдан ҳозирги кунгача Ғолиб Холжигитов «Bank of America Merril Lynch» корпорациясининг молиявий технологиялар масалалари бўйича лойиҳалар менежери (АҚШ) лавозимида ишлаган.

Ҳаққимизда Anonymous

Яна маълумот

rqdyhr_j2-lrc-a7dfaholtlbj2pmnlj

Ўзбекистонда хусусий нотариал идоралар ташкил этилади

Президент “Ўзбекистон Республикасида нотариат тизимини тубдан ислоҳ қилиш чора-тадбирлари тўғрисида”ги фармонни имзолади. Бу ҳақда Адлия …