Медведев Россия ва Ўзбекистон ўртасидаги савдо-иқтисодий алоқаларни ижобий баҳолади

Россия бош вазири Дмитрий Медведев Россия ва Ўзбекистон ўртасидаги ривожланишда тараққиёт кузатилаётганини айтиб ўтди. Бу ҳақда РИА “Новости” ахборот агентлиги хабар бермоқда.

“Тараққиёт мавжуд, савдо-иқтисодий алоқалар салмоқли, ғайратли бўлди, улар барча йўналишлар, жумладан, қишлоқ хўжалиги, озиқ-овқат, қишлоқ хўжалиги маҳсулотлари етказиб бериш, саноат кооперацияси, ҳарбий-техник ҳамкорлик бўйича ривожланмоқда”, деб айтган Медведев.

Медведевнинг таъкидлашича, ҳукуматлараро ҳужжатлар катта пакетининг имзоланиши Россия ва Ўзбекистон ўртасида иқтисодий, инвестициявий ва гуманитар ҳамкорликни янада илгари суриш учун яхши асос бўлади.