Главные новости
Главная / Иқтисодиёт / Марказий банк 2020 йил учун инфляция прогнозини маълум қилди
<

Марказий банк 2020 йил учун инфляция прогнозини маълум қилди

Ўзбекистонда 2020 йил учун инфляциянинг базавий прогнози 12 – 13,5 фоиз даражасида белгиланган. Бу Марказий банк маълумотида кўрсатиб ўтилган.

Марказий банк раисининг биринчи ўринбосари Илҳом Норқуловнинг сўзларига кўра, йил давомидаги инфляция даражаси 15 фоизгача етиши эҳтимоли ҳам йўқ эмас.

«Бизда мақсадли ва прогноз траекториялар бор. Прогноз траекториямиз бироз юқорироқ, айрим сценарийлар бўйича 2020 йилда 14-15 фоизгача боряпти. Лекин бизнинг мақсадимиз – бу йил инфляцияни 12 фоиздан паст даражада ушлаб туриш, 2021 йилда эса бир хонали сонга олиб тушиш, 2023 йилга бориб эса 5 фоизлик таргетга эришиш.

Бу мақсадли режалар қандайдир ташқи шок ҳолатлари рўй бермаслиги эҳтимолидан келиб чиқиб белгиланган. Қандайдир ўзгариш бўлса ҳам, бу қисқа муддатли оғиш ҳисобланади ва биз яна мақсадли траекторияга қайтишга ҳаракат қиламиз», – деди Норқулов «Ўзбекистон 2020» дастуридаги чиқиши вақтида.

Эслатиб ўтамиз, мамлакатда 2019 йилги инфляция даражаси прогноз коридорининг юқори чегарасида шаклланиб, 15,2 фоизни ташкил этган эди.

Бундан олдин, инфляцияни ўлчашдаги асосий мезонлардан бири – истеъмол нархлари индекси 2020 йилда 12,5 – 13 фоиз даражасида ўсиши кутилаётгани маълум қилинганди.

  • Инфляцион таргет нега 5 фоиз этиб белгиланганига изоҳ берилди
  • Марказий банк иқтисодий ривожланишнинг асосий ва муқобил сценарийсини эълон қилди
  • Марказий банк инфляция пасайиши учун бор масъулиятни бўйнига олишга тайёр – Илҳом Норқулов

Ҳаққимизда anvarj63

Яна маълумот

pz7a2ev9pkqbqyrmyl8szrjwl_koordj

Fiat Chrysler ва Peugeot компаниялари бирлашиш ҳақидаги келишувни имзолади

Fiat Chrysler (FCA) концерни ва Peugeot, Citroen ҳамда Opel автомобил брендларини бирлаштирувчи PSA француз гуруҳи …