Россиянинг Хорижий фукароларни вактинчалик саклаш марказининг Самара вилояти буйича булимида колаётган узбекистонлик мигрантлар РФ Федерал хавфсизлик хизматининг рухсатисиз ортга кайтиб кета олмаётганликларини хабар беришди. Уларнинг сузларига кура, рус махсус хизматлари текширувидан утган мигрантлар уйга уз хисобларидан жунаб кетишмокда. Бу хакда Nuz.uz хабар берди.

Самара вилоятидаги Хорижий фукароларни вактинчалик саклаш марказларидан бирида икки ойдан бери колаётган 22 ёшли Дурбек рус махсус хизматлари унга Узбекистонга жунаб кетишга рухсат бермаётганини айтган.

“10 октябрь куни мени дустим билан ФХХ ходимлари ушлашди, булинмага олиб кетишди. Сунг бизни Россия миграция конунчилигини бузганлик учун суд килишди. Биздан кандайдир хужжатларга имзо куйишни сурашди, кейин ун кун давомида мамлакатни тарк этишимиз лозим эди. Барча когозларга имзо чекдик, кулимизга кишанлар такишди ва Тольятти шахрига олиб кетишди. Бир ой аввал бизга сотиб олинган чипталарни бекор килишди хамда ФХХ Россияни тарк этишга рухсат бермаётганини айтишди. Улар бизнинг айбимиз нимада эканини хам тушунтиришаётгани йук”, – деган Дурбек.

Дурбекнинг айтишича, бир неча кун аввал марказдан Узбекистоннинг уттиз беш фукароси чикариб юборилган, кейинчалик уларни Россия-Козогистон чегарасига юборишган. Бирок унга ватанига кайтиб кетишга рухсат беришмади.

Якинда Россияда инсон хукуклари буйича вакил Татьяна Москалькова хукуматга Хорижий фукароларни вактинчалик саклаш марказлари учун пул ажратиш буйича мурожаат килди. Россиялик омбудсменнинг сузларига кура, давлат бюджетидан ажратилаётган маблагларнинг етишмовчилиги туфайли, хорижликларни ватанига депортация килиш жараёни узокка чузилмокда.