Главные новости
Главная / Маданият / Ўктам Барноев бош вазир ўринбосари бўлиши кутилмоқда
<

Ўктам Барноев бош вазир ўринбосари бўлиши кутилмоқда

Парламент қуйи палатасидаги сиёсий партиялар фракциялари томонидан Ўктам Барноевнинг номзоди кўриб чиқилмоқда.

Бухоро вилояти ҳокими Ўктам Барноев Бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига тайинланиши кутилмоқда.

Депутат Расул Кушербаевнинг хабар қилишича, бугун ЎзЛиДеП фракциясида Бош вазир тавсиясига асосан Бухоро вилояти ҳокими вазифасида ишлаб келган Ўктам Исаевич Барноевни Бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига тасдиқлаш масаласи кўриб чиқилди.

Фракция аъзолари ЎзЛиДеП аъзоси бўлган Ўктам Барноев номзодини ушбу лавозимга маъқуллаш ҳақидаги қарорни тасдиқлашган.

Эндиликда номзод Қонунчилик палатасининг ялпи мажлисида тасдиқлаш масаласи кўриб чиқилади. Депутатлар тасдиғидан кейин Барноев президент фармони билан ҳукумат аъзолигига тайинланиши мумкин.

Ўктам Барноев 2016 йилнинг декабридан буён Бухоро вилоятига ҳокимлик қилиб келмоқда. У 2008 йилнинг апрелидан 2010 йилнинг декабригача Самарқанд вилояти ҳокими лавозимида фаолият юритган. Ундан олдин Қишлоқ ва сув хўжалиги вазирининг биринчи ўринбосари бўлган.

Бундан олдинроқ президентнинг «Ўзбекистон Республикаси Вазирлар Маҳкамаси фаолиятини такомиллаштиришга оид қўшимча чора-тадбирлар тўғрисида»ги қарорига биноан ҳукумат ижро этувчи тузилмасида ўзгаришлар рўй берган, ҳужжат билан бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозими жорий этилганди.

Ҳаққимизда anvarj63

Яна маълумот

lwh9htbv7_jc-z9zsaijjmhj-kozpknu

«Бировнинг ташвиши эвазига топилган пул ҳеч кимга буюрмайди!» — Президент чайқовчиларни танқид қилди

Ўзбекистон Республикаси Президенти Шавкат Мирзиёев 18 март куни маҳалла ва оила масалаларига бағишланган видеоселектор йиғилишининг …