Главная / Маданият / Ифторликда тортилган “мезим”

Ифторликда тортилган “мезим”

iftorlikЖонажон диёримизда Саодат асридан буён мусулмонлар алохида ахамият билан кутиб оладиган муборак рамазон ойи давом этмокда. Доруломон юртда тинчлик – хотиржамликда руза тутиш бахтига мушарраф килган Аллох таолога хамду санолар айтамиз!

Биз куп каватли тураржойда истикомат киламиз. Рамазон ойининг учинчи куни булса керак, эрталабки соат учлар эди. Сахарлик килаётгандик. Рупарадаги уйлардан бирида тусатдан кий – чув кутарилди. Бирор кор – хол юз берган булса керак, деб эътибор каратмадим. Кечкурун ишдан келсам, вазият ойдинлашди. Келин ухлаб колган булса керак, уз вактида кайнота ва кайнонасига сахарлик тайёрлай олмабди. Шунга кайнона бутун махаллани бошига кутарибди. Тавба, ахир огиз ёпилишига 20 дакика колган, бу вакт ичида сахарлик килишга улгуруш мумкин булса, шовкин кутаришга арзирмикан? Унда кайнонанинг тутаётган рузаси каерда колди. Ахир руза тутиш дегани сахарлик ва ифторликда зур бериб еб – ичиш дегани эмас-ку?

Ишга маршрут таксида келаман. Йуловчиларнинг аксарияти аёллар. Улар хамма нарсани билишади. Хар куни нафакат уларнинг уйида, махалласида, балки шахримизда ва дунёда булаётган вокеа – ходисалардан айнан шу маршрут таксида бохабар буламан. Бир куни аёллардан бири куда чакирикка (келиннинг отасиникигами ёки куёвни уйигами, билолмай колдим) борганини огиз купиртириб мактай бошлади. Ифторликда огизларни каймок билан очишибди, ундан кейин европача ва миллий салатлар тортилибди. Сунг сомсалар (авваллари битта сомса тортилса, энди иккита – узбекча ва туркча сомса) берилибди. Куюк – суюк овкатлар орасида норин ва кабоб тановул килинибди. Узбеклар одатига кура, ошдан кейин фотиха укилиб, кетишга рухсат берилиши керак эди. Аммо кудалар замонавий экан, ошдан кейин десерт сифатида музкаймок таркатилибди. Энг кизиги, дастурхонда овкат хазм килувчи “Мезим” борлиги мехмонларнинг дардига дармон булибди. Во ажаб, туйдан кейин “келин салом”га колган хотин – халажга “Мезим” берилгани кулокка чалингандек булганди. Энди ифторликда хам бу дори дастурхон куркига айланибди – да. Яшавор узбек, дегинг келади. Ахир бу манманлик, исрофгарчилик эмасми?!

Рамазон ойи бошланиши билан рузанинг хурмати деб, рузадорларга хурмат курсатила бошланади, дастурхон ноз – неъматларга тулади. Ахир нафсни тийиш урнига овкатга хаддан зиёд киришиб кетмаяпмизми? Оддий арифметика буйича мисол келтирамиз. Одатга кура, эрталаб бир коса, пешинда бир коса, кечкурун бир коса овкат ейилса, руза бошланиши билан сахарликда “руза огизман, кувват булади” деб икки коса овкат еймиз. Кечкурун эса “рузаман, холдан тойдим” дея яна икки коса овкатини паккос туширамиз. Яъни, бир кунлик еган овкатимиз турт коса булади. Уч косага урганган ошкозонимиз турт косани кутара олармикан? Мана шу нарсаларни хар йили Рамазон ойи арафасида ахолига тушунтиришимиз керакка ухшайди. Рамазон гунохлардан, ёмон хулклардан покланиш ойидир, нафсни тарбиялаш, сайкаллаш мавсумидир. Рамазон ойини муносиб кутиб олиб, гузал тарзда утказиш учун, ундан унумли фойдаланиб колиш учун, аввало, унга рухий жихатдан муносиб тайёргарлик куриш лозим.

Абу Хурайрадан (розияллоху анху) ривоят килинади. Расулуллох соллаллоху алайхи ва саллам: «Умматимга Рамазон ойида узга умматларга берилмаган бешта хислат берилди: 1) Рузадорнинг огзида пайдо буладиган нохуш хид Аллох таоло наздида мушк – анбар хидидан хам хушбуйрокдир; 2) Ифтор вактигача рузадорларга дарёдаги баликлар хам истигфор айтиб дуо килишади; 3) Аллох таоло хар куни жаннатини зийнатлайди, сунгра унга: «Менинг солих бандаларимнинг дунё машаккатларини ортга ташлаб хузуринггга келишлари якиндир», дейди; 4) Бу ойда исёнкор шайтонлар кишанланади, шу сабабдан улар бошка ойлардаги каби ёмонликлар кила олишмайди; 5) Рамазон ойининг охирги кечаси рузадорларнинг гунохлари магфират килинади», дедилар.

Рамазон ойи – Куръон нозил булган ойлигини, ойлар султони эканини, рахмат, магфират ва дузахдан озод булиш ойилигини, унда минг ойга тенг кеча борлигини, унда хар бир яхши амалнинг ажри бир неча баравар купайтириб берилишини асло унутмаслигимиз керак.

Барча мусулмонларга Куръон, такво, шафкат, баракот, рахмат, магфират, Аллохга курбат хосил килиш, жаннатга эришиш ва дузахдан озод булиш ойи яна бир бор муборак булсин!

Шарофиддин Тулаганов

Яна маълумот

pogudx662lujp78dq

Тугилган кун табрикотлари 2023

Киска, узок, ихчам, расмли тугилган кун хабари ва енг яхши табрик сузлари Тугилган кун мухим …