Главная / Жамият / ХТВ ота-оналардан фарзандларини бесабаб мактабдан олиб қолмасликни сўради
<

ХТВ ота-оналардан фарзандларини бесабаб мактабдан олиб қолмасликни сўради

Халқ таълими вазирлиги ота-оналардан гибрид таълим шаклини суиистеъмол қилмасликни, фарзандлари соғлигида муаммо бўлмаса, уларни мактабга юборишни сўради. «Боланинг зое ўтаётган ҳар бир куни унинг эртанги келажагига салбий таъсир қилмай қолмайди», – деди вазирлик матбуот котиби Лайло Рустамова.

 Мактабимизда ўқитувчилар ўқувчилардан анъанавий ўқишга қайтишини сўрамоқда, шу тўғрими? Халқ таълими вазирлиги матбуот котиби 24 ноябрдаги брифингда ушбу саволга жавоб берди.

«Бугунги кунда онлайн мактаб баҳонасида айрим ота-оналар томонидан фарзандини мактабга юбормаслик, фарзандини масофадан дарс қилишини таъминлаш ўрнига, кўчада юришига ёки бошқа ишлар билан банд қилиш ҳолатлари учраётганини гувоҳи бўляпмиз.

Шу жиҳатларни инобатга олган ҳолда, Халқ таълими вазирлиги ота-оналардан, уйда боланинг мактабга боришига тўсқинлик қилувчи жиддий сабаб, яъни касаллик ҳолати мавжуд бўлмаса, мактабга юборишларини сўраб қолади.

Зеро, боланинг зое ўтаётган ҳар бир куни унинг эртанги келажагига ўзининг салбий таъсирини кўрсатмай қолмайди, боланинг мактабда таълим олиш жараёнини ҳеч қандай энг ривожланган замонавий технология ҳам ўрнини босолмайди.

«Онлайн мактаб» лойиҳаси анъанавий таълим тўлиқ тикланган ҳолатда ҳам доимий равишда ўз фаолиятини давом эттиради, ушбу лойиҳа боланинг дарсдан ташқари қўшимча сифатли таълим олиши учун имконият яратади», – деди Лайло Рустамова.

Ҳаққимизда anvarj63

Яна маълумот

cz2u3rzvwxu6ldgr7_q-i0efwvxwlg_a

Ақтўбе фожиасига 3 йил. Қурбонлар ёди ва оилаларнинг кейинги тақдири

Бундан роппа-роса 3 йил муқаддам – 2018 йилнинг 18 январь куни ўзбекистонликларни олиб Россияга кетаётган …