КУН УЗ Узбекистон янгиликлари KUN.UZ
Самаркандда Бибихоним масжиди якинида шахарнинг энг кадимий обидаларидан бири Хазрати Хизр масжиди жойлашган. Ривоятларда келтириладики, уз мавкеи ва макомидан калби гурур хиссига тулган Мусо алайхиссалом кунларнинг бирида Яратганга карата нидо килди:
-Ё раббий, Ер юзида мендан-да олимрок бирор банданг борми?
– Албатта бор, деган садо эшитилади гойибдан. – Сенинг билганларинг унинг илму хикмати олдида дарёдан томчи холос. Уни Форс ва Рум денгизлари туташган ерда топишинг мумкин.
Хазрати Мусо Парвардигор тарафидан энг билимдон банда дея эътироф этилган банда – Хизр а.с. ни излаб йулга тушди.
Йул озукаси учун пиширлган балик хам олган эди. Юра-юра денгиз буйидаги бир чашманинг олдидан чикди, у ердаги тош устига сафар халтасини куйди-да, утириб тахорат олди. Шу аснода кулидан томиб турган сув, беихтиёр халтадаги баликларга хам окиб кетди. Мусо намоз укиди ва яна йулга тушди. Куп юрмай, унутиб колдирилган халтаси ёдига тушиб ортига кайтди. У ерда бир чол намоз укиб турарди. Халтасининг эса, огзи очик, баликлардан ному нишон колмаган.
Мусо чолнинг ибодатини тугатишини кутиб турди. Кейин унга салом бериб, баликларни суриштирди.
– Баликларинг тирилиб сувга тушиб кетди, – деди халиги чол пинагини бузмай. – Ахир бу чашма оби хаёт манбаидир. Уни ичган кимсалар мангу яшайдилар.
– Сиз ким буласиз, – суради Мусо хайрати ошиб.
– Мен Хизрман. Сени кутиб тургандим, – деди муйсафид нуроний табассум билан.
– Мен сизни кидириб йулга чиккандим, – деди Мусо илтифот билан. – Сиз илм бобида дунёдаги барча инсу жинсдан устун экансиз. Илтимос, менга хали узим билмаган нарсаларни ургатинг. Мени узингизга хамрох килинг.
– Майли, – деди Хизр, – Факат бир шартим бор: мен нима иш килсам, бунинг сабабини сурамайсан. Чунки, мен хар бир ишимин билиб киламан.
Мусо унинг шартига рози булди. Икковлон йулга тушишди. Анча юришгач, олдиларидан азим бир дарё чикиб колди. Киргокдаги ака – ука кайикчилардан нариги сохилга утказиб куйишни сурашди. Йулнинг ярмига етганда Хизр кулидаги пичоги билан кайикнинг бир кисмидан озгина тешик оча бошлади. Мусо унинг бу ишига сира тушуна олмади. Охири сабри чидамай, ундан суради:
– Хазрат, ахир бу кайик факир ака-укаларга тегишли. Улар шу юмуш билан тирикчилик килишади. Уларнинг рузгорини мана шу кайик тебратиб турган булса-ю, сиз уни ишдан чикарсангиз, бу номардлик эмасми?
– Мен сенга килаётган ишимдан изох талаб килма, – демаганмидим., -деди Хизр унга юзланиб.
Мусо ундан кечирим суради ва индамай йулида давом этди. Дарёнинг нариги сохилига утиб олгач, кучада уйнаб юрган бир туда болаларга дуч келишди. Хизр болаларни зимдан кузатиб турди-да, уларнинг орасидан биттасини ажратиб олиб, калтаклади. Бу холатдан Мусо дахшатга тушди. Яна узини савол беришдан тутиб туролмади:
– Бу канакаси? Бегунох болани нимага калтакладингиз, ахир?
Хизр Мусога яна норози нигох ташлаб унга танбех берди.
– Сенга нима дегандим? Агар яна бир марта шунака киладиган булсанг, уша ерда йулимиз иккига айрилади.
Мусо галати хамрохининг бу гапига рози булишдан узга иложи йук эди. Яна йулга тушдилар. Ахийри Антиохия шахрига етиб келишди. Улар узок йул босиб, чарчаган, озукалари хам тугаган эди. Кеч колгани учун хонадонлардан бирига бош сукиб, бир окшомлик бошпана ва егулик сурадилар. Уй эгалари уларни тиланчи деб уйлаб, хеч нарса бермай кувиб чикарди.
Чор – ночор шахар чеккасидаги бир вайронадан макон топдилар. Сахар уйкудан туришганда, Хизр озрок лой килиб вайронанинг нураган кисмини тиклаб сувок килишга тушди. Бу гал хам Мусонинг хайрати голиб келди:
– Хазрат мени кечиринг – у, килаётган ишларингизга мутлако тушунмаяпман. Бу шахар ахлининг кеча бизга килган муомаласини курдингиз-ку? Яна нима учун буларнинг вайронасини тиклашга уриняпсиз?
– Ана шу ерда сафаримиз кариди. Сенга кайта-кайта айтдим, мен уз ишимни билиб киламан. Сен хеч нарсани сурама, деб. Энди хайрлашишимизга тугри келади.
– Майли, -деди Мусо такдирга тан бериб, – факат хайрлашиш олдидан килган ишларингизнинг боисини тушунтириб берсангиз.
– Бупти, – деди Хизр хам оппок соколини силаб. – Дархакикат, бу ишларим хар кандай одамнинг таажжубини кузгаши табиий эди. Кайикнинг бер четини тешиб куйганимга хайрон колдинг, тугрими? Бу кайик ночор ака – укаларга тегишли эканини яхши билардим. Бирок, шу юртининг золим хукмдори якинда дарё ортидаги кушни мамлакатга уруш бошламокчи. Шунинг учун у кайикчиларнинг хамма кайикларини йигиштириб оляпти. Якинда унинг одамлари анна шу ака – укаларнинг хам тирикчилик манбаи булган кайикларини олиб кетгани келишади. Унинг бир четидаги тешикни куриб, яроксиз дея, олмай кетишади.
Бояги болага келадиган булсак, у хали гудак булишига карамай, хозирдан унда – мунда угирлик килиб туради. Катта булганида катта жиноятларга кул уриб, ота – онасининг бошига огир мусибатлар солиши табиий эди. Колаверса, узи хам умри давомида куп гунохлар килиб, жаханнам оташида ёниши аник эди. Мен шунинг учун унга зиён етказдим. Якинда Аллох унинг ота – онасига яна бир солих фарзад ато этади.
Хозир мен тиклаётган вайрона шу шахарда яшовчи камбагал ака – укага тегишли. Улар хозир факирликда кун кечирмокда. Уларнинг отасидан колган бехисоб бойлик шу ерда яширинган. Улар тез орада бундан хабар топиб, келиши керак. Унгача вайрона янаям бузилиб, унинг багридаги бойлик куриниб колиши мумкин. Омонат уз эгасига эсон – омон етиб бориши учун уни тиклаб кетишга ахд килдим.
Мусо алайхиссалом хазрат Хизрнинг бунчалик донишмандлигига койил колиб, у билан хайрлашишга мажбур булган экан.
Икбол ХУМОЮН тайёрлади
