Главные новости
Главная / Жамият / Хитой компанияси корпуси ранги ўзгарувчи смартфонни тақдим этди
<

Хитой компанияси корпуси ранги ўзгарувчи смартфонни тақдим этди

Хитойнинг OnePlus компанияси ўз корпуси рангини ўзгартира олувчи янги смартфонни тақдим этди. Смартфоннинг ушбу антиқа хусусиятини намойиш қилувчи видео интернетда эълон қилинди.

Фото: OnePlus

Мобил техника бозорида бирор янгилик билан ажаблантириш тобора қийинлашиб бораётган ҳозирги пайтда, OnePlus компанияси бунинг уддасидан чиқишга яқин турибди. Гап шундаки, унинг янги 8T Concept деб аталган тажрибавий смартфони орқа панели турли ҳодисаларга ва датчиклардан олинувчи сигналларга жавобан ўз рангини ўзгартира олади.

Қурилмада бундай антиқа хусусият Electronic Color, Material and Finish (ECMF) деб номланган технология қўлланиши эвазига пайдо бўлган. Ушбу технологияда металл оксиди негизидаги ўзига хос плёнка қўлланади. Ушбу плёнка орқа панелни қоплаган ойна остида жойлашади. Айнан шу материал кучланиш таъсирида ўз рангини ўзгартиради. Видеода намойиш қилинган смартфонда унинг орқа панели тўқ кўкдан кумушрангга ўзгаришини кўриш мумкин.

Ушбу қурилмани ишлаб чиққан мутахассислар харидорлар эътиборини бундай янгиликнинг амалий фойдасига қаратишмоқда. Рангнинг ўзгариши фойдаланувчига олинган хабарлар ёки ўтказиб юборилган қўнғироқлар ҳақида маълум қилиши мумкин. Бундан ташқари, ушбу функция фойдаланувчи нафас олиши ритми билан сенсор-радар (mmWave) ёрдамида синхронлаштирилиши мумкин. Янги смартфонни бундай ҳолатда қўшимча фитнес-опциялар учун қўллаш мумкин.

Компанияда 8T Concept тижорий қурилма сифатида бозорга чиқарилиши борасида аниқлик киритилмаган.

Ҳаққимизда anvarj63

Яна маълумот

1 январдан олис ҳудуддаги ишга жалб қилинган олий маълумотли мутахассисга 11 млн сўм, шифокорга 30 млн сўм берилади

Фото: Kun.uz Президентнинг “Олис ҳудудлардаги бюджет ташкилотларига малакали мутахассисларни жалб қилиш чора-тадбирлари тўғрисида”ги қарори қабул …