Бачадон ичи воситаси – БИВ ўзи нима?

Илгак ёки бачадон ичига ўрнатиладиган восита (БИВ) – бу кичкина пластик мослама бўлиб, уни исталмаган ҳомиладорликдан сақланиш учун бачадон ичига урнатилади.

Замонавий ва юқори самарали БИВ моделларида пластикдан ясалган мослама мис сим билан ўралган.

БИВдан қандай фойдаланиладн?

• қисқа ва оддий муолажа вақтида махсус билимга эга шифокор БИВни бачадон ичига ўрнатади;
• ҳомиладор бўлишни истасангиз шифокор БИВни олиб ташлайди.

Афзалликлари:

• юқори самарадор;
• 4-10 йил давомида ҳомиладорликдан сақланишингизни таъминлайди;
• БИВни қўллаш жинсий алоқа билан боғлиқ эмас;
• туғурукдан кейин шифокор ёрдамида дарҳол ўрнатиш ва эмизикли даврда
  қуллаш мумкин.

Учраши мумкин булган салбий таъсири:

• ҳайз даврида кетадиган қон микдори кўпайиб, оғриқлар пайдо бўлиши мумкин;
• ҳайз оралиғида қон суркалиши;
• жинсий йўл орқали юқадиган касалликларга мойиллиги бор аёлларда кичик чаноқ аъзоларининг яллиғланиши.

Қуйидаги аёлларга БИВни ўрнатиб булмайди:

• ҳомиладорликдан гумони бўлса;
• бачадон буйни ва кичик чаноқ аъзоларинипг ўткир яллиғланиши ва жинсий йул орқали юқадиган касалликлари бўлса;
• охирги уч ойда кичик чаноқ аъзоларининг яллиғланиши кузатилган бўлса;
• қиндан сабаби аниқланмаган қон кетиш кузатилса;
• жинсий аъзоларнинг ўсма касаллиги булса;
• камконликнинг оғир формалари (НВ<9 гр);
• жинсий йўл орқали юқадиган касалликларга чалиниш хавфи юқори бўлса;
• организм сустлашиб, инфекция ва ВИЧга мойиллиги ошган ҳолатлар.

Кейинги тиббий назорат:

• БИВ ўрнатилгандан 4-6 ҳафтадан кейин, ҳайз бошланишини кутмасдан шифокорга профилактика мақсадида мурожаат қилинг. Агар сизни бирорта муаммо безовта қилса, бу муддатни кутмасдан мурожаат қилаверинг.

Қуйидаги ҳолларда шифокорга мурожаат қилинг:

• ҳомиладорман, деб гумонсирасангиз;
• қиндан кўп қон кетса (одатдагидан кўп ва узоқ муддатли);
• қоринда қаттиқ оғриқ пайдо булса, жинсий алоқа пайтида оғриқ ва қон кетса;
• инфекция аломатлари пайдо булиб, қин ажралмалари кўпайса;
• БИВ «ипча»ларини сезмай қуйсангиз ёки бу «инча»лар одатдагидан калта ёки
  узунроқ булиб қолса.