senatАмерикалик республикачи-сенатор Линдси Грэм Пхеньян навбатдаги ядровий синовларини ўтказган тақдирда, АҚШ ва КХДР уруши имконини 70 фоизга баҳолади. The Atlantic нашри шу ҳақида хабар берди.

“Айтишим мумкинки, биз ўндан уч ҳолатдагина ҳарбий ечимга мурожаат қиламиз. Агар кореяликлар қўшимча ядровий синов ўтказишса, у ҳолда мен уруш эҳтимолини 70 фоизга баҳолаган бўлардим”, – деди у.

Грэм вақт “тугаб бораётгани”, агар ҳеч нарса ўзгармаса, Трамп КХДРга ҳужум қилишига тўғри келишини таъкидлади.

У ҳарбий ечим деганда “режимга қарши кенг кўламли уруш”ни назарда тутганини айтди.

Шу билан бирга, у Пхеньян билан музокараларга тайёрлигини маълум қилди. “Урушдан қочиш учун барча вариантларни инобатга олиш керак… Улар замонамиз тарихини ёзганда “Эҳ, Линдси Грэм ҳатто бу йигит билан гаплашиб кўришга ҳаракат ҳам қилмади” дейишларини истамайман”, – дея изоҳлади сенатор.